蔣怡下月將剖腹產女，陀住9個月BB的她昨日穿低胸裝，在荃灣出席她主持的有線節目《蔣怡前4後6狂想曲》午宴，有線高層曾展章謂因為蔣怡老公翁狄森的姓氏及B女乳名叫「翁翁」，故送上有蔣怡樣貌的蜜蜂公仔BB籃給她。
懷有9個月身孕的蔣怡昨日穿低胸裝挺着大肚出席活動，見她雙臂纖幼，完全沒有大肚婆的臃腫。
禁老公產房拍片
問蔣怡是否為女兒取乳名為「翁翁」？她說：「名真係未諗，之前同朋友傾開，佢哋都不約而同話叫我個女做翁翁，加上我哋會同BB傾偈，所以叫住呢個名先。」她表示未想過幫囡囡擇吉日出世，將所有事交給老公處理，老公曾謂不想B女是靚女，蔣怡夫唱婦隨道：「一嚟怕阻礙佢讀書，二嚟啲大人係咁讚佢靚，佢只會識靚呢個字，咁唔係咁好，我細個都冇人讚我靚，都唔知自己係靚女。」她笑言正在朋友的孩子中為囡囡物色男友，不怕女兒不喜歡，不喜歡也可以先做朋友，但提到揀學校重任，她就交由老公負責，會在香港讀書，但不想為囡囡帶來太大壓力。
蔣怡希望老公翁狄森陪她入產房，但嚴禁拍片。蔣怡獲贈有她樣貌的蜜蜂公仔BB籃。
蔣怡尚未準備入院裝備，其父幫手買BB車及預備BB房間，母親負責清洗BB用品，自己就工作至本周才休息。問老公會否陪入產房及拍DV？蔣怡說：「我想佢陪我入，但禁止拍片影相，我有職業病，有個鏡頭對住我，我一定會keep住笑同講嘢。」老公會否剪臍帶？她說：「叫佢唔好，怕佢暈低。」她謂不怕與Lisa S.的B女比較。
from:
http://hk.apple.nextmedia.com/entertainment/art/20130614/18296330
