萬綺雯平價湊鬼

上星期五（二十四日），《壹》仔遊銅鑼灣，喺時代廣場外面見到不老萬綺雯同個女人再加一個拖喼白頭鬼佬，三個人戙喺度雞同鴨講。

隔咗陣，萬綺雯一個人走落Citysuper買咗三個麵包、兩支橙汁同一支水，之後又急急腳上番地面join番兩個朋友。

《壹》仔望吓個錶，四點鐘飲tea時間，萬綺雯招呼朋友歎下午茶，有飲有食，幾十蚊搞掂，果然係持家有道嘅賢妻。

唔著名牌唔set頭，但同朋友出街，萬綺雯點都執番啲眼耳口鼻。朋友唔坐低食tea，萬綺雯於是落超市買麵包買飲品，慳錢兼省時。

買完嘢，笑住行去搵番啲朋友。