除了馬唯中及老公外，古天樂和吳君如前晚也有到中環出席愛彼錶活動，古仔戴上30多萬元名錶，君如也戴上70多萬元手錶，早前有指君如介紹陳妍希給古仔撮合兩人，殊不知卻搞出大頭佛，君如事後直言不敢再介紹女仔給古仔。
古仔前晚笑言不用君如介紹，他說：「我都好忙，朋友又好，邊個都唔使，呢排我有排忙，由頭到尾我都冇話使唔使（介紹），咁大個人唔使啦！」記者提議用東西塞住君如把口，古仔笑說：「佢把口邊塞得住。」古仔現正物色手錶給爸爸做父親節禮物，並透露他第一份禮物是父親送給他的米奇老鼠膠錶。
君如直言不敢再介紹女仔給古天樂認識。古仔和君如前晚到中環出席名錶活動，兩人對錶甚感興趣。
君如囡囡愛粉紅鑽
君如與陳可辛希望搵到一隻具收藏價值的手錶給女兒世代相傳，她說：「佢只係鍾意有石，最好係粉紅鑽，佢有問我㗎，叫我閃就留畀佢，佢唔鍾意又殘又舊嘅古董錶。」
from:
http://hk.apple.nextmedia.com/entertainment/art/20130524/18269575
