邊個又要威，又要戴頭盔？之唔係𡃁模何佩瑜（Jeana）囉，佢戴咗獨一無異嘅泡泡頭盔。佢噚日去咗九龍灣國際展貿中心向加拿大籍泡沫表演家Fan Yang拜師學玩泡泡波，Fan馬上帶Jeana進入夢幻世界。
Fan曾經創下18個健力士世界紀錄，佢可以將一隻8800磅嘅大象放喺一個泡泡入面，咁當然可以輕而易舉用泡泡成功「老笠」5呎7吋高嘅Jeana，佢被笠後表現興奮。
Jeana仲即場學拉泡泡龍，Fan又為佢拉出泡泡彩虹。Jeana近日被爆失戀，問佢想老笠邊個，佢話：「我想俾人老笠多啲。」Fan將於7月中嚟香港開騷。
Jeana話𠵱家想俾人老笠多啲喎。
from:
http://hk.apple.nextmedia.com/entertainment/art/20130524/18269539
