錢嘉樂、楊愛瑾（Miki）及Jessica C.等前晚於又一城睇《狂野時速6》首映，榮升爸爸後的錢嘉樂發福不少，眼腫腫的他自爆陪老婆湯盈盈一齊坐月：「太太食乜我食乜，一次過肥咗十幾廿磅，𠵱家每日醒咗就食，反而太太就好勤力，跟鍾麗淇做瑜伽。」他更自爆餵奶忘記掃風，搞到愛女嘔奶。另外，日前他被拍得搶先為女兒搵名校，他則說：「我唔會縱小朋友，亦都唔會逼個女學好多嘢，如果要排通宵隊我就一定唔會做。」
至於Miki將推出單曲，提到鄧麗欣及傅穎唱live被批評，問到Miki是否怕比較？她即避忌地說：「好緊張，唔好講呢啲，我唔可以有壓力，一有壓力就好緊張，作為表演者就一定要唱現場先可以。」
錢嘉樂（右）與老友鄭敬基鬥脹，十分搞笑。JC谷到行上陣，相當賣力。
Miki將推出單曲，要加緊練歌。
from:
http://hk.apple.nextmedia.com/entertainment/art/20130523/18268377
