無綫整蠱節目《玩嘢王》叫好叫座，令主持人李思捷、「幫兇」鍾嘉欣及受害人馬賽、林盛斌（Bob）等人氣急升，無綫昨日在將軍澳舉行祝捷會，嘉欣、馬賽、陳智燊及朱璇等出席，即場向思捷進行大報復。大會更公佈節目播映四周以來，創下24點（約154萬觀眾）最高收視佳績。另外，單計無綫官網myTV的點擊率，鍾嘉欣那一集有3.39點（約21萬觀眾）。雖然成績好，但思捷未有計劃添食，見好就收。
三個緋聞男女齊集，雖然他們舉晒V扮大方，但陳智燊仍一臉尷尬。思捷都整蠱得人多，被大懲罰是意料中事。
嘉欣望擴闊圈子
陳智燊早前分別與嘉欣、馬賽傳緋聞，昨日三人大方合照，兩女還高舉V字手勢，夾在中間的陳智燊只好儍笑跟着舉V。嘉欣笑言入行至今以今年最多緋聞，問到可有真假？她竟大賣關子：「唔話你知！嗰啲全部作出嚟，感情留番私人低調處理，我處理得好好。我想擴闊圈子，識多啲朋友。」有傳她跟拍拖多年的伍允龍分手，是否心急再拍拖？嘉欣笑說：「不嬲都寄情工作，希望呢兩年可以喺事業再搏殺，我𠵱家feel到自己好似蜜糖，到𠵱家都冇變質。」似證明與伍允龍情不變。
朱璇chok甫又晒靚腿，秒殺男粉絲。
緋聞多多的陳智燊則說：「大家留意我梗係開心，不過我專心工作，未有打算拍拖。」他又自爆將成整蠱目標，要耍騎呢功夫、露兩點。馬賽表示曾想重新聘用偷錢外傭，但家人反對：「我有少少陰影，寧願辛苦啲自己做，當係學做靚師奶。」而最後一集，思捷會聯同曾被整蠱的林欣彤、蕭正楠整蠱區瑞強，扮做評判時意見不合吵大鑊。
from:
http://hk.apple.nextmedia.com/entertainment/art/20130515/18260116
