先後與郭富城拍拖的兩代城嫂鍾麗緹和熊黛林（Lynn），前晚現身澳門新濠天地出席歌舞劇「TABOO色惑」慈善首演場，二人大方合照兼密密斟。鍾麗緹支持Lynn的分手決定，她說：「女人好正常，一定要為自己多啲去獨立，做自己鍾意嘅嘢。」她又用女人愛買鞋作比喻去安慰剛經歷情傷的Lynn，她說：「女人買鞋好難，着好多好多就會發覺邊對舒服，舊咗咪next one。」
鍾麗緹透露女兒已經15歲，問可有提供性教育？她笑說：「佢好單純，讀書緊要，30歲先啦！」被笑會否教得太遲？她說：「講笑咋，佢𠵱家有男友，但個男仔好獨立同成熟，我亦會盡力做一個好媽咪。」
赤裸上身的男模在Lynn耳邊吹氣，嚇得她直言好驚。
Lynn：感情要投資
大會安排一班SM打扮的模特兒，有男模在嘉賓耳邊吹氣、攬頸、摸腰，Lynn臉紅紅說：「都好驚，未試過有異性對我咁做。我拍拖都好保守，好似喺街攬錫都好耐未試過，二十出頭就有，以前唔識尷尬。」有指鍾麗緹戥她不值，Lynn說：「佢好靚，我知大家好關心我，感情係要投資吓。」但七年情投資失利？她說：「開心過就得，最重要開心過。」
城城兩位舊愛Lynn和鍾麗緹（右）碰面扮到老友鬼鬼，攬腰互勉。趙式芝與老婆Sean結伴看有情慾成份的歌舞劇，表現興奮。
同場還有趙式芝與老婆楊如芯（Sean）、蔡一智夫婦、Jessica C.（JC）與謝婷婷。婷婷笑言被人吹氣感覺好壞，問可有膽量與同場model一樣作大膽演出？她說：「應該唔可以，除非係搞笑，我唔係sexy嘅人，冇試過着呢啲衫。」而JC透露將赴馬爾代夫拍比堅尼寫真，早前她25歲生日，男友為她安排驚喜晚餐，又送了多條熱褲給她騷長腿。
from:
http://hk.apple.nextmedia.com/entertainment/art/20130511/18255890
