淚眼BB整蠱魔術師，鍾嘉欣玩嘢封視后

無綫整蠱節目《玩嘢王》前晚第三集搵咗鍾嘉欣做嘉賓，當觀眾以為嘉欣BB俾李思捷同魔術師Louis Yan夾埋整蠱到喊時，突然峰迴路轉，原來俾人整蠱嘅係Louis！
查實嘉欣BB今次做咗無間道，表面上俾人整蠱，接二連三俾倉鼠、錯手令思捷手插玻璃受傷而嚇到喊，嘉欣BB都喊得好出色！到玩鍘思捷人頭時，嘉欣BB因為失手令思捷假受傷，嚇到又喊又暈，仲激動到係咁喪鬧Louis，好鬼逼真，仲爆咗句思捷係佢男朋友，睇到粉絲O晒嘴！當嘉欣BB喊到暈令Louis唔知點收科時，原來Louis中咗計，俾嘉欣同思捷夾埋整蠱咗！嘉欣嘅好演技，社交網站洗版大讚，仲讚佢係視后㖭！

嘉欣ＢＢ又喊又叫，仲谷出真眼淚，真係俾佢嚇窒。思捷扮鍘人頭出事，噴血嗰嘢勁逼真。

【七情上面】【嚇到暈咗】
受害人話恐怖
嘉欣BB噚日喺電話度話：「冇估到反應咁好，知道要整蠱人時好驚，唔知自己得唔得，Louis話我好恐怖，原來我會呃人嘅，我咁大個女第一次玩人，今次係大突破！」個個都讚演技好，佢開心咁話同嗰時播《護花危情》同《點解阿Sir係阿Sir》一樣，收到好多朋友短訊大讚：「冇諗過娛樂節目得到咁多認同。」咁有冇信心年尾爭視后先？嘉欣BB就笑笑口話：「唔會頒獎畀綜藝騷嘅，年尾頒獎反而冇信心，今年只係拍咗《巨輪》，唔好諗咁多。」

【縮膊扮驚】事後嘉欣BB上載大合照耍冧，邊個捨得怪佢。
from:http://hk.apple.nextmedia.com/entertainment/art/20130506/18250330

藝人林盛斌（Bob）首集就被李思捷主持節目《玩嘢王》激到爆粗，前晚輪到鍾嘉欣原以為思捷噴血魂斷斷頭台，即時嚇到崩潰喪喊差點暈倒，點知原來是「玩上玩」整蠱魔術師甄澤權，幾乎九成觀眾同樣被騙，丁子高、陳敏之、鄧紫棋紛紛在微博讚好，G.E.M更稱被玩的話一定會心臟病發，導演葉念琛就趁機想搵嘉欣合作，而Bob同羅敏莊昨日出席活動時都呼籲大家要小心李思捷：「嘉欣之前啲角色都好好，不久將來視后都係佢﹗」其實網民亦激讚嘉欣，仲有人問這類型節目可否獲得提名。

阿Bob
From:http://orientaldaily.on.c ... /00282_034.html