丁子高驚喜騷冧楊千嬅

楊千嬅喺香港電影金像獎攞咗影后，好多朋友都爭住請佢食飯，要為佢慶祝，日前佢老公丁子高同澳門新濠天地夾埋為佢搞慶祝派對，表面上係請千嬅過澳門睇「Taboo色惑」騷，千嬅到場後，先發現有好多朋友都喺度，實在畀佢好大驚喜，原來佢老公專登叫晒佢班老友一齊嚟陪千嬅睇騷兼慶祝榮登影后。
千嬅噚日同馮仁昭講，老公經常會畀一啲意外驚喜佢，所以呢個老公好體貼，千嬅話：「去到澳門睇呢個Taboo騷時，嗰位嚟自芬蘭嘅女表演者玩吞劍，見佢真係成把劍吞咗落口，竟然一啲事都冇，好鬼勁呀！唔知佢點解做得到。」

楊千嬅攞咗影后，佢老公丁子高，日前請埋朋友去澳門一齊為老婆慶祝。丁子高安排老婆喺澳門睇騷後，同一班外籍表演者合照留念。
同曾志偉做夫妻
最近千嬅正忙於拍攝杜琪峯嘅《單身男女2》，跟住又要拍彭浩翔嘅《香港仔》，呢次夠晒突破，彭浩翔搵咗曾志偉同千嬅扮演夫妻，千嬅話：「導演一向揀角眼光都好準，我好信佢，同志偉做夫妻都幾新鮮，應該可以學到嘢㖭！」
from:http://hk.apple.nextmedia.com/entertainment/art/20130429/18243255

楊千嬅與老公丁子高結婚後，已甚少過二人世界，大前日丁生丁太狠撇兒子，一同過澳門睇「Taboo色惑」騷，誰知騷後才是「戲肉」，丁子高安排了一個驚喜派對送給千嬅，被蒙在鼓裏的千嬅，突然見一班好友現身派對，開心到差點喊出來。

丁子高只容許千嬅喝一杯香檳，認真錫住老婆﹗

早前千嬅入院割除纖維瘤，丁子高因擔心病菌多，故下令不准老婆出街，近日見千嬅身體已康復，而且她的一班朋友已很久無見千嬅，故為氹老婆開心，及補祝千嬅奪金像影后，丁子高秘密約了千嬅一班好友，為數三十多人，一同到澳門開派對。

事前瞞住千嬅的丁生，為製造驚喜，只是跟千嬅說一同到澳門新濠天地睇「Taboo色惑」騷，昨日丁生說：「千嬅睇時緊張到嘩嘩聲，完騷後有幾個演員Lucky Hell（吞劍紋身女郎）和Talia（舞藝女神）知道佢係藝人，仲落台同佢影相，（千嬅最鍾意睇邊個演員？）佢最鍾意Lucky Hell同女歌手Cassie Mclvor，Cassie歌聲好似海豚咁美妙，（Cassie Mclvor同千嬅比邊個啲歌唱得好聽啲？）唔同嘅，千嬅講嘢都好好聽。（鬧你時都咁好聽？）佢唔會鬧我。」

千嬅表示最喜歡「Taboo色惑」騷的Lucky Hell（中），完騷後並與對方合照。新濠天地的「Taboo色惑」騷精彩絕倫，演員作各高難度表演。

年尾先造人
完騷後，丁生建議與千嬅一起唱卡拉OK，千嬅打開房門發現房內全是她的朋友，才知道是為自己開派對，即時感動得差點喊了出來。問丁生是否批准老婆飲酒時，他說：「一杯咁多啦，其實佢身體好番好多，已經開始做番運動，（你要罰千嬅年尾生仔，有冇順道喺澳門造人？）梗係無，佢今年咁忙，拍完戲先啦，等年尾先，我都好忙。」
from:http://orientaldaily.on.cc/cnt/e ...0429/00282_070.html