陳法拉與陳逸璇等前晚現身中環時裝活動，華懋掌舵人龔仁心亦罕有現身。問到法拉與無綫約滿離巢的傳聞，她笑言：「休息咗一個月，同TVB傾緊，傾得好愉快，張約5月完，自己都想唞一唞，入行一直拍戲，都想真正有機會進修演技，已經喺美國報咗個summer course。」
問到法拉是否未續約而被無綫雪藏，及有意返內地搵人仔，她表示：「唔好咁講，今日個工作都係TVB安排，續約係一個合作，TVB係大家庭，唔係講條件，係講感情，唔係講約長短，係睇工作性質，佢帶我入行，內地工作一直有機會，都有人搵，公司都有安排。」法拉透露此行男友薛世恆不會隨行，記者笑言男友隨行便去生BB，法拉表示：「唔會，係去讀書。」
from:
http://hk.apple.nextmedia ... 130427/18241414
