四太落釘 mark實超盈三月七日迷蕩銅鑼灣兩小時，鼻下沾有白色粉末嘅四房長女何超盈，雖然未至於即時俾老媽子梁安琪掟番英國，但自此每次外出，身邊都有個長髮中女陪行，近距離監視。
早個禮拜，極愛銅鑼灣嘅何超盈，又再重遊舊地：時代廣場。素顏連帽都冇戴嘅佢，零妝之下keep住面白眼圈黑，上身毛毛褸下身短褲冰火打扮，同女助手落咗地庫嘅city'super買嘢食，喺Yo Mama買完乳酪雪糕，再行過去壽司櫃望咗輪，但冇嘢啱，打道回府。
人釘人策略，只可解燃眉之急。眼下得廿三歲嘅何超盈，十足一副會行會走嘅軀殼，何家再富貴，四太再強，都一樣俾呢個女考起。
4月唔戴帽，超盈改戴眼鏡掩飾無神眼。
3月自從三月發生迷蕩事件後，超盈每次外出，都有一長髮中女陪行。
冰火打扮嘅超盈行埋壽司櫃睇咗一陣，都係唔啱食！
中女助手（箭嘴）埋櫃位揀口味，含住膠匙嘅超盈，呆到呢！
