王祖藍逼李亞男搵錢由王祖藍萬綺雯孭飛嘅新劇《食為奴》，上個禮拜五（十九日）舉行開鏡拜神儀式，全劇演員稍後會上橫店拍外景，鑑於當地係H7N9重災區，問王祖藍會唔會效法林峯，唔俾女友李亞男北上探班，王祖藍竟然寸寸貢：「唔使喎，佢（指李亞男）都冇話要嚟，我哋冇人哋咁痴纏！」
你要我剝衫！（設計對白）講吓咋！（設計對白）明星返大陸跳水，傳聞酬勞高達百萬人仔，王祖藍為拍劇見財化水，就算李亞男肯水著行騷都搵唔到咁多喎！
劇中萬綺雯同張繼聰有唔少打鬥戲，其中一場，張繼聰仲差啲踢到對方隻眼。
王祖藍仲話女友咩都冇買俾佢，唔似得千語BB為男友準備乾糧，又呻自己忙拍劇賺少好多，連國內呢排嘅明星跳水節目都冇期做，計埋唔見好多錢，最好李亞男趁佢北上拍劇呢段時間搵多啲外快，當幫補吓喎！
夏天最好搵，不外乎水著行騷，王祖藍，你OK冇？
