現年43歲嘅甄楚倩喺01年未婚產子，生仔後就離開娛圈，專心做單親媽咪，轉眼囝囝都12歲，佢哋母子感情不知幾好。甄楚倩早幾日黃昏6點幾又同阿仔行孖咇去灣仔濕平。只見素顏嘅甄楚倩着住tube top配短褲，仲踢埋拖，打扮好街坊，天氣未熱定，已經趕住露膊示人。
【露膊示人】
甄楚倩先同囝囝去價真棧掃平價食品，佢哋企喺貨架有商有量，一齊研究食物標籤同價格，睇吓係咪咁抵先入貨，母子檔格價，實冇人呃到佢哋啦！掃完大袋食物後，甄楚倩叫咗工人過嚟拎嘢，不過兩母子意猶未盡，之後佢哋再行鞋舖同出口店，兩個人喺出口店專攻幾十蚊嘅平價衫褲，甄楚倩仲拎住條褲左揀右睇，雖然最後都冇幫襯，但藝人出身嘅甄楚倩息影後，衣着打扮竟然變得咁樸素，仲感染囝囝買衫都唔需要揀名牌，呢個態度好正面。
from:
http://hk.apple.nextmedia ... 130423/18236924
