近年勁多女藝人生B，生完之後，個個性情大變！完全係有仔萬事足。好似天后陳慧琳（Kelly）咁，做女嗰時唔係名牌唔用，件件係貴嘢！依家？唔同晒咯，放假唔去中環shopping，反而踩落平民區狂掃平貨，仲要格過（價）試過先買！分分鐘慳家過你同我。
九龍灣狙擊 第1站睇書包唔買
上星期，媽咪姐喺九龍灣Mega Box行街街，竟然喺AEON百貨撞到Kelly同助手幫蝦餃仔（劉昇）揀書包。呢款健康書包唔貴㗎！幾百蚊有交易。但Kelly研究咗好耐，都係忍手！
第2站平試唇膏買唔到書包，Kelly行到去妹妹仔最愛嘅平價化妝品部，居然停步！成日代言大品牌嘅佢，攞起支唔知擺咗幾耐嘅唇膏試用裝，再拎張紙巾出嚟，跟住……OMG！Kelly真係搽上嘴試色呀！呢位媽媽，好唔衞生喎。「好彩」最後佢試啱扑槌買。呢個「險」都冒得抵少少！
Kelly's Choice$63
被天后睇中嘅，係日本Kanebo平價副線media嘅閃粉唇膏，盛惠$63，激抵！但媽咪姐拎過嗰支試用裝上手，好多塵喎，Kelly真係……
第3站IKEA$0嘆梳化
買完化妝品，攰攰哋！天后同大家一樣識得去IKEA嘆吓免費梳化，坐咗5分鐘，唞一唞！唉，你估湊兩個仔咁易咩。
第4站
掃特價畫框叉完電，天后又馬不停蹄去揀特價畫框。卒之買咗兩個白色細畫框，再加兩個大嘅，夾埋都唔使一千蚊，Kelly同你繼續慳！
$119×2
尾站反斗城衝刺
買勻化妝品、家品之後，Kelly始終都掛住兩個仔。臨走都去反斗城掃咗轉玩具。俾錢嗰時，仲望吓有乜「超值之選」。咦，乜咁似媽咪姐平時做嘅嘢嘅！
最後，天后同助手抱住又抽住一堆戰利品，光榮撤退。玩咗成個下晝，用咗二千蚊都唔使，抵到呢！大家學嘢嘞。
