佘詩曼、余思敏及李蕙敏等昨現身中環Lancome護膚活動，阿佘透露忙於返內地出席活動，不過會做足防疫措施。提到曾志偉在生日派對唱粗口歌，更笑言阿佘愛講粗口，應搵她一齊唱，她笑言：「嗰晚太開心、太嘈，講乜唱乜都聽唔到。」可介意志偉爆大鑊？她說：「佢講笑，當晚全部自己人，閂埋門一家人，開玩笑唔應該嬲。」是否從來不講粗口？她笑言：「唔信有人完全冇講過，睇場合，一般唔應該用粗口鬧人，當晚當歌咁講。」可怕破壞形象？她說：「入行十幾年，人哋講乜控制唔到，因一句說話形象冇晒，我應該檢討吓。」阿佘透露前晚已見過志偉：「笑佢擺我上枱，話佢衰人。」
鄭中基太太余思敏左腳包紗布出席活動，她說：「抱住個女踏空氣，好彩個女冇受傷，個女都有喊，仲埋嚟錫我，Ronald（鄭中基）幫我包紮傷口。」
佘詩曼昨談曾志偉粗口歌事件，笑志偉衰人。
from:
http://hk.apple.nextmedia ... 130418/18231425
