4月1日是愚人節，有沒有試過整蠱人或被人整蠱過呢？樂壇天后楊千嬅就曾經被護士同學大整蠱，搞到要冒生命危險爬窗入房，又把紅棗放在她床上扮曱甴，嬲到她要反面，玩到咁激，大人小朋友切勿模仿！
楊千嬅
觀瀾湖活動發布會：楊千嬅
「最難忘係我讀緊護士住喺宿舍嗰陣，有晚同學反鎖咗我間房門，搞到我入唔到房，結果要由隔籬房爬窗先入番房，我住５樓，真係嚇死，佢哋仲衰到將啲紅棗擺喺我床上扮曱甴，我真係嚇到喊，嬲到走出走廊大叫，鬧佢哋係咪黐線o架，咁多嘢好玩唔玩，我返夜班已經好辛苦，仲搵啲咁嘅嘢嚟玩，嗰次嬲到反面。」
文詠珊
「試過４月１日畀人整蠱囉，朋友同我講有個朋友死咗，我當時做緊嘢，冇意識到嗰日係愚人節，即場呆咗！仲好激動，但冇喊。」
傅嘉莉
《Miss Dior香水活動》：傅嘉莉
「我試過畀自己哥哥整蠱，細個媽咪帶我哋落超級市場買嘢，哥哥成日會變身，佢嗰日扮揸車，我就要扮行人，佢好快咁衝埋我度，撞到我個膝頭流晒血，媽咪都唔敢相信。」
「我試過玩老竇（謝賢），叫老竇合埋雙眼，倒咗50粒勁辣嘅薄荷糖入佢口，跟住用手掩住佢個口，唔畀佢吐出嚟，仲騎住佢，唔畀佢郁，老竇辣到喺度尖叫。」
JW
「試過萬聖節同媽咪一齊整蠱傭人，我戴住個萬聖節面具，匿喺廁所，媽咪同個傭人講廁所嘅燈壞壞哋，當傭人行緊入廁所時，我就衝出來嚇佢，哈哈！」
吳千語
「我成日畀人整蠱，曾經有次畀鄭中基整蠱，當時我瞓緊覺，佢放咗啲嘢喺我頭度，瞓醒搞到成頭都係，（放咗啲乜嘢喺你頭？）唔記得，總之成頭都係，好嬲！」
岑麗香
「以前讀書時，同學打電話嚟整蠱，啲女同學扮一個男同學把聲，話暗戀咗我好耐，最後都畀我踢爆咗。」
《時裝派對》：吳雨霏
「有次朋友夾埋助手整蠱我，約咗喺一個地方做訪問，咁啱嗰度有班蠱惑仔，仲叫我同佢哋合照，我唔想煩勉為其難影咗，助手即叫走，但佢哋話未影完，跟住朋友同佢哋打起上嚟，嗰刻我嚇到淨係識踎低。突然間音樂響起，朋友同成班蠱惑仔跳舞，先知畀佢哋整蠱，嗰段片仲放咗喺You Tube，叫『玩爆你個腎』，睇番段片覺得自己好瘀。」
from:
http://orientaldaily.on.c ... /00282_065.html
