啱啱榮升老竇嘅錢嘉樂話晒打仔出身，所以一向好注重體能同健康。前日傍晚6點嘉樂仔一身運動look離開寶馬山屋企，一開波佢先做足熱身拉筋，之後就跑上山，沿途唔少街坊見到佢都有打招呼，點知跑唔夠十分鐘經已見嘉樂仔索晒大氣，有啲腳仔軟咁款。唔通佢因為晚晚湊女搞到冇覺好瞓，身子差咗？
為安全起見，嘉樂仔惟有轉戰附近商場，入咗間便利店買嘢飲補充水份，之後佢再買多本車書同去燒臘舖斬料，就結束咗今次快閃跑山之旅。另外，佢老婆湯盈盈前晚喺微博貼咗張嘉樂仔抱女相，大晒溫馨父愛。
from:
http://hk.apple.nextmedia ... 130329/18210518
