現年25歲嘅集郵港姐朱晨麗緋聞多多，自從佢前年當選港姐冠軍後，即狠撇老外舞蹈員古思宇，舊年年初就搭上港男李晉強，兩人喺地鐵車廂鬼祟拍拖，其後佢同筍盤馬國明（馬明）合拍《名媛望族》，朱晨麗即發功撻着馬明，成功擦出愛火花，更獲馬明任柴可夫管接管送。
唔知係咪最近馬明同唐詩詠、岑麗香傳緋聞，激嬲咗朱晨麗，前日下晝4點幾，朱晨麗背住馬明偷會潮男遊銅鑼灣還以顏色。戴住cap帽嘅朱晨麗喺世貿會合大約廿幾歲、戴耳環打扮幾潮嘅男仔，佢哋一見面就雞啄唔斷，搭扶手電梯時仲咬耳仔，而潮男不時咬手指似足大細路。
馬國明同朱晨麗舊年拍《名媛望族》扮夫妻，傳戲假情真擦出愛火花。
1.【今日我至集】俾人稱為集郵港姐嘅朱晨麗，前日又背住緋聞男友馬明去集郵，偷約潮男去銅鑼灣搵食。
2.
朱晨麗發現記者扮若無其事揮手招呼，潮男就好愕然。
食嘢好奄尖
佢哋喺商場睇水牌搵嘢食，但都唔啱心水，就轉場去怡東酒店覓食，朱晨麗似乎對食嘢好奄尖，冇一間食肆啱佢口味，佢嘴扁扁同潮男轉去百德新街，終於揀中茶軒醫肚。其時朱晨麗發現記者，佢扮若無其事揮手say hi，仲話：「啱啱做完嘢，去食嘢。」不過潮男就好唔自在，不停擰轉面避鏡頭，大約5點幾，朱晨麗食飽快閃單拖搭車走，身邊已唔見咗潮男，擺明刻意避記者，無私顯見私。
3.
兩人撐枱腳期間，潮男周身唔自在不停用手遮面。
4.
朱晨麗食飽快閃單拖搭車走，擺明刻意避記者。
from:
http://hk.apple.nextmedia ... 130325/18206185
