朱晨麗奸人「口技」啄爆蘇玉華

無綫花旦朱晨麗昨日大晒嗲功，以一招溫柔「擒拿手」翹實新劇中飾演老公的劉江手臂，搞笑令他冧到暈一暈！朱晨麗又自爆劇中奸味濃，以強勁「口技」與蘇玉華大戰三百回合：「啄到佢入心入肺！」

朱晨麗挑戰演奸人角色，大過戲癮。
藝人朱晨麗、陳凱琳、黃浩然、沈卓盈和譚凱琪等昨日在鑽石山宣傳無綫劇《平安谷之詭谷傳說》，席間朱晨麗向劇中一夫四妻的老公劉江使出嗲招，雙手翹實對方，搞到他暈得一陣陣，並於玩遊戲時半推半就判女子組勝出。問朱晨麗有何絕招谷起收視，她自言靠戲中的「奸味」吸睛：「我好衰好寸嘴，會用(口的)好簡短精要(口既)句子鬧人，啄到蘇玉華入心入肺！每次出場都會同佢有口上(口既)打交。（咀嘴？）係舌戰！」她坦言希望緋聞男友何廣沛可以見到她的奸人演出：「佢爭我一餐飯，如果佢台慶拎埋獎就要請兩餐。（想佢到時送花表心迹？）食餐飯(口者)，無謂搞呢(口的)咁(口既)(口野)啦！」

「少婦聯盟」搞驚喜
最近「少婦聯盟」成員陳凱琳、沈卓盈、譚凱琪和龔嘉欣分享合照上網，但比起之前的噴血寫真密實不少，惹來不少網友詐型，陳凱琳和沈卓盈坦言拍照當晚只是食飯迎接新一年，又指當晚齊齊着紅色寓意今年鴻運當頭，陳凱琳說：「我(口地)準備(口左)個蛋糕畀Katy（龔嘉欣），因為之前冇同佢慶生，(口個)時好驚喜，我(口地)唔畀佢拎甜品，話傾傾偈先，佢就問點解要阻住佢。」

朱晨麗即場嗲「老公」劉江，場面搞笑。
蘇玉華
陳凱琳（左起）與譚凱琪及沈卓盈現身谷劇，陳沈更攬住受訪。陳凱琳難忘被吊高
提到《平》劇精彩場面，陳凱琳指一場被吊起的場口最難忘，問有否叫定男友鄭嘉穎捧劇集場，她指男友正出埠工作，相信對方返港後會翻睇：「佢媽咪都係一個好好(口既)支持者，話一定會追！」

陳凱琳、沈卓盈
黃浩然（右起）拿着平安包與翟威廉及韋家雄宣傳《平安谷》。
文：影視組

萬千星輝頒獎典禮2017昨晚在將軍澳電視城舉行，來自江蘇蘇州嘅朱晨麗憑《超時空男臣》的野蠻女友角色贏得「最佳女配角」，當宣佈得獎後，朱朱表現一臉愕然，台上眼泛淚光發感言，表示感謝珍姐電話鼓勵，對方逐粒字糾正她的發音，又希望從內地來港的人可以打出一片天。

撰文：東方新地

朱晨麗奪女配
頒發最佳女配角時，入圍五強獲同劇拍檔上台拉票，憑《超時空男臣》獲「最受歡迎電視拍檔獎」嘅何廣沛為緋聞女友朱晨麗拉票時，揚言若她得不到獎就將自己的獎送給她。結果朱晨麗成功獲「最佳女配角」，獲悉得奬一刻朱朱呆了不懂反應，上台後何廣沛頒奬前送上玫瑰花仲肉緊送抱抱，台下一陣起哄叫他送吻，真係sweet！


朱朱事後話冇諗過有呢個安排，問佢哋會唔會趁機公開戀情？朱朱笑住話佢哋喺劇內是拍拖，但劇外係朋友。


朱晨麗在緋聞男友何廣沛手上接過奬項，激動表示：「我唔知講咩，我冇諗過拎呢個獎。其實我由零開始，好多謝公司俾我選港姐，我連一句廣都唔識講，依家可以參與《超時空男臣》呢個劇，多謝Marco俾機會我。好大壓力，因為我未試過演咁野蠻女友角色。我成日問自己，我得唔得呢。之後收到珍姐電話，係佢鼓勵我，叫我加油努力，糾正我點樣去講每一個字，排除廣東話呢個難關之後，做戲就可以自然啲！」


朱晨麗多謝完fans之後，最後佢又話：「如果冇你哋支持，我都唔知點行落去，因為我之前都受過好多打擊，希望我哋喺內地成長嘅小朋友，嚟到香港之後依然可以打出一片天，一齊支持我哋！」

朱晨麗自從選港姐由零開始，演野蠻女友常懷疑自己能否勝任。多謝曾勵珍鼓勵，及糾正她的廣東話發音。

中門大開
朱晨麗穿上透視晚裝，中門大開，性感又高貴呀！佢話其實胸前有薄紗遮住，服裝部同事幫佢貼膠紙，百分百安全唔會走光。佢話為咗以最佳狀態示人，之前食得清淡啲，出嚟效果好好！



傳撻著何廣沛
小鮮肉何廣沛因為拍電視劇《超時空男臣》做小太監彈起，今年29歲的他跟同劇飾演二小姐的朱晨麗傳出緋聞，有指他們日對夜對，加上多場親熱戲催情之下，成功撻着，但二人不想錯失上位機會，怕姊弟戀見光死，惟有把戀情收收埋埋。




翻版陳法拉
今年29歲的朱晨麗於2011年參加香港小姐，比賽前被封為「翻版陳法拉」而成為大熱，比賽期間總共獲最受歡迎大獎、歡樂大使獎、時尚目光大獎，最終攞埋冠軍而加入無綫，當選後被踢爆2003年由上海來港讀書時，為慳錢與女同學夾份租住100呎劏房，是首名承認曾住劏房的港姐。


2011年陳法拉以面癱為由辭演台慶劇《名媛望族》，無綫委以重任交由當時還未卸任的朱晨麗頂上，令她人氣急升，之後備受重用接拍多部劇集。朱晨麗與馬國明合作劇集《名媛望族》有傳戲假情真，男方更體貼地管接管送。可惜「筍盤」多人爭，馬國明其後與朱千雪、唐詩詠及徐佳琦傳緋聞，「馬朱」的緋聞隨之被淡忘。

朱晨麗在《衝上雲霄II》飾演的PinkPink，因親父單立文唔認佢而發狂衝出海，被救上岸時大特寫唧胸鏡頭。

朱晨麗在《衝上雲霄II》飾演的PinkPink，因親父單立文唔認佢而發狂衝出海，被救上岸時大特寫唧胸鏡頭。

藝人朱晨麗、楊明及王浩信昨日為無綫劇集《兄弟》開工，奪「女配角」的朱朱坦言仍似發夢中：「真係冇諗過！今年好大競爭，論資排輩都未到我，真係好驚喜！尋晚返屋企第一時間食飯，因為成日冇食嘢，隻貓第一時間嚟嗲我。」問到同樣有獎攞的緋聞男友何廣沛可有約慶祝？朱朱說：「等佢邀請我！我鍾意男仔預約先，我都好忙o架！（攞獎會唔會加價？）希望調高啲，搵錢都好辛苦o架！」

朱晨麗冇諗過攞女配角獎，驚喜萬分！

至於奪得「男配角」的陳山聰則獲一班「Crazy Runner」兄弟姊妹胡定欣、袁偉豪及姚子羚等齊齊打邊爐、開香檳慶祝，眾人還狂飲狂呼，相當興奮。山聰昨日受訪時說：「尋晚難得大家齊人，所以我哋食埋團年飯，呢排為着衫靚啲都Keep得好辛苦，今日同朋友飲咖啡、食番件西多士開心吓！」

前晚齊齊有獎攞的王浩信、朱晨麗與楊明昨日就已經要開工。
陳山聰約埋袁偉豪等好友打邊爐，舉杯慶祝他奪得男配角獎。

蘇玉華、黃浩然、陳凱琳、劉江、龔嘉欣及阮兆祥等出席《平安谷之詭谷傳說》之「聯手抗敵破冰同行」花車巡遊，拍完這套蘇玉華就暫別無線，她表示接下來的一年會有很多不同的計劃，比如MV拍攝和舞台劇的重演，工作之餘她亦不會忽視和家人的相處，每年農歷新年她都會自己弄一盆水仙花盆栽送給媽媽。





對於套劇話咁快就大結局，黃浩然同陳凱琳兩位主演都十分捨不得，黃浩然表示：「20集太少啦，希望原班人馬再拍續集。」，陳凱琳就想有續集的話，希望內容是一妻多夫。問到點過情人節，陳凱琳表示在網上看到一款很特別的蛋糕，想嘗試做出來送給鄭嘉穎，真係廿四孝女友！