黃心穎C奶出擊，朱晨麗爆乳迎戰

無線小花朱晨麗、黃心穎與唐詩詠等，昨悉心打扮亮相無線台慶頒獎禮紅地氈，為了靚靚，各出奇招。朱晨麗特登把晚裝裙改細，營造「爆乳」效果，為免爆衫連抖氣都唔敢太大啖！而穿tube dress大騷「Ｃ奶」的黃心穎及穿上白色喱士裙、真空上陣的唐詩詠，都令人眼前一亮！

大拋「C奶」的黃心穎笑稱刻意與紅地氈撞色，營造「增高」效果。

無線台慶頒獎禮昨晚於電視城舉行，一眾花旦盛裝打扮於紅地氈上爭艷鬥麗。數到全場最性感，非朱晨麗莫屬，她穿上肉色低胸裙，谷盡三吋事業線，big爆全場！她表示設計師前晚才改細條裙，笑稱腰間緊到不敢「抖大氣」，又打趣道：「我唔可以大啖氣呼吸，今晚要好Lady咁呼吸，因為我怕爆衫！」

而同樣曬「胸」器的黃心穎，以火紅tube dress大拋「C奶」，跟地氈撞色的她笑稱刻意「黐地」，營造「增高」效果。談到跟緋聞對象王浩信翹手出場，問到性感打扮可有嚇倒對方？心穎笑言：「佢應該睇慣，去年都同佢一齊行，今日好多女藝人都好性感。」

朱晨麗特意改細條裙，谷盡三吋事業線！

黃翠如突然脫去手上戒指，向真空上陣的唐詩詠及洪永城抵死逼婚。

一向性感的高Ling以喱士晚裝遮「線頭」，認真失色！

曾江被一眾花旦包圍。

洪永城獨享齊人之福
至於穿上白色喱士裙的唐詩詠更真空上陣，中門大開露半球之餘，後面更大曬白滑玉背，噴血指數爆燈！與男友洪永城、黃翠如受訪時，翠如突然脫去手上戒指，更向洪永城和詩詠抵死謂：「好啱你哋呢個場合。」兩人隨即尷尬彈開，男方又扮嬲笑稱：「你破壞咗嗰節目。」洪永城又在三催四請下才肯企定定合照，相反女友詩詠則大方得多，合照時更主動翹實男友。事後，洪永城否認感尷尬，問到為何不接下翠如戒指？他即大耍太極：「佢隻戒指咁名貴，聽講成億，萬一跌咗我賠唔起！」問到有否獲男友批准穿著性感？詩詠說：「冇，條裙今朝先喺以色列運到，見到真身都冇得縮沙。佢淨係望咗一望話『咁呀！』冇特別評語。」

高Ling密實遮「線頭」

反而向來形象性感的高海寧（高Ling）卻毫無睇頭，穿上紫色晚裝的她胸前以黑色喱士遮「線頭」，相當失色！她解釋是聽從經理人要求穿得高貴點：「最緊要靚，今晚要坐好耐，所以著得舒服啲。」

文：影視組
From:http://orientaldaily.on.c ... /00282_006.html

免費電視頻道Viu TV的藝人日前應節在揮春寫新年願望。

黃心美、鄧洢玲（阿旦）、朱汶欣（Yanny）、陳炳銓（Danny）與虞逸𥧌（Dennis）一眾全新免費電視頻道Viu TV藝人，適逢農曆新年以毛筆寫出新年願望，重拾毛筆寫字令他們有手震緊張情況，於揮春上寫上「財猿滾滾」的心美，希望猴年再賺多點買第二層樓成包租婆，阿旦與Dennis則表示對買第一層仍有大段距離。

Danny期望開台後提升知名度，並在舞台劇方面有再大發展，怎料被同事們指自從去年除夕跟李佳芯當街咀嘴令戀情曝光後，知名度已躍升，追問Danny會否乘勢猴年拉埋天窗，明年派利是，他只笑不答，Yanny笑他平日是開籠雀，講到感情即收口避談。

採訪：馬建華　
攝影：陳志嵐
from:http://hk.apple.nextmedia ... 160207/19482955

黃心穎第一次夥拍葛民輝做司儀，希望對方會手下留情。

鄭秀文（Sammi）、黃心穎、葛民輝（阿葛）和Super Girls前晚在澳門出席一個春茗晚宴，Sammi在台上跟股東祝酒，之後在台上表演，但未有接受訪問。阿葛跟黃心穎擔任晚宴司儀，黃心穎以低胸連身裙性感示人，阿葛則穿上大會度身訂做的套裝。

黃心穎第一次夥拍阿葛，她說﹕「第一次同阿葛做拍檔好驚呀，因為佢係前輩，口才又好好，驚自己接唔到，希望佢會手下留情。本身都OK嘅，但係上到台就會慢啲，不過做呢類型工作可以見唔同嘅拍檔都幾開心。」阿葛直言自己司儀價好貴，對方重金禮聘邀請他坐直升機到澳門。另外，Super Girls成員Heidi剛剛25歲生日，Heidi表示之後會去英國和法國﹕「因為要去兩個禮拜，個篋爆晒喇！要去嗰邊搵個男朋友，所以要着靚啲呀。」

採訪：王連連
攝影：沈健程
from:http://hk.apple.nextmedia ... 160229/19509681