唐詩詠對崔建邦認真死心塌地，即使崔建邦花心兼形象差，但31歲嘅唐詩詠都繼續對佢不離不棄，雖然一直有傳佢哋翻撻成功，但兩人卻死口不認，近排唐詩詠仲同無綫筍盤馬國明爆緋聞，不過都係煲水居多，馬明仲暗爆唐詩詠同崔建邦情未變。
前後腳離去
唐詩詠同崔建邦前後拖足7年，話就話再見亦是朋友，不過兩人嘅交情似乎唔只朋友咁簡單。前晚大約8點，崔建邦約咗唐詩詠同男友人到深水埗著名茶餐廳新香園開餐，證明馬明冇吹水。
唐詩詠對崔建邦認真死心塌地，即使崔建邦花心兼形象差，但31歲嘅唐詩詠都繼續對佢不離不棄，雖然一直有傳佢哋翻撻成功，但兩人卻死口不認，近排唐詩詠仲同無綫筍盤馬國明爆緋聞，不過都係煲水居多，馬明仲暗爆唐詩詠同崔建邦情未變。
前後腳離去
唐詩詠同崔建邦前後拖足7年，話就話再見亦是朋友，不過兩人嘅交情似乎唔只朋友咁簡單。前晚大約8點，崔建邦約咗唐詩詠同男友人到深水埗著名茶餐廳新香園開餐，證明馬明冇吹水。
為怕被人認出，佢哋揀咗最入嘅死角位坐，食咗大約半個鐘，頭戴cap帽嘅唐詩詠先行離開，發福唔少嘅崔建邦就負責埋單，低調前後腳走人。
由於現場好多人，唐詩詠同崔建邦刻意保持距離，唐詩詠仲先行一步去咗隔籬街攞車，隔咗一陣崔建邦先敢蒲頭，佢哋傾咗幾句，女方揸車走先，崔建邦就孖住男友人去附近嘅黃金商場睇game，為怕俾人認出，崔建邦仲戴番個口罩㖭。
from:
http://hk.apple.nextmedia ... 130317/18197857
