名模Cara G.與同是模特兒的未婚夫Jesper Mcilroy婚前單身派對一浪接一浪，二人昨日出席品牌活動時更穿上情侶裝晒恩愛，並透露婚前工作接個不停。
Cara與Jesper以情侶裝出現，笑言結婚後就不會再穿。
Cara G.與未婚夫Jesper Mcilroy、歌手周柏豪及韓國男模宋斗煥等昨日出席品牌活動，Cara與Jesper穿上格仔情侶裝到場，大晒恩愛，更應記者要求不斷錫嘴仔。Cara表示：「我哋打扮好襯，好多人望，韓國都好興情侶裝，我哋似韓國夫妻。（婚後着情侶裝？）唔會啦。」
準備兩套婚紗
提到Cara開船P舉行Bridal Shower，她表示與朋友到泰國後會再搞婚前單身派對，她說：「下星期五出發到泰國，但出發前就每日都有工作。（着比堅尼行婚禮？）唔會，着復古婚紗，我準備咗兩套，不過怕到時太開心冇時間換。」Jesper表示有好多朋友專程由美國同新加坡飛泰國參加婚禮，又會在曼谷搞單身派對，笑言不希望第二日睡醒有紋身，他並打趣說：「到時我會着定十件衫，每次除一件就得，唔怕冇時間換衫。」
型男宋斗煥打扮型格。
Cara與Jesper咀極唔厭。
周柏豪自言不心急拍拖。
周柏豪撐樂仔
另外，同場歌手周柏豪表示剛與連詩雅去完馬來西亞工作，提到波友余文樂與吳雨霏拍拖？他直言：「要問番佢哋，我係局外人。（咁幾時到你？）我都唔急，有冇女朋友都唔會特別同人交代。」他更撐余文樂不會重色輕友，更謂未見過二人一齊出現。
from:
http://orientaldaily.on.c ... /00282_087.html
