賭王何鴻燊與四太梁安琪的長女何超盈早前因服食退燒藥加減肥藥而導致身體不適，四太昨晚出席保良局周年慈善餐舞會時，被問到超盈身體情況？她與賭王對超盈事件睇法？四太三次強調絕對信任女兒：「我講一次，首先好多謝傳媒嘅問題，我代表家人多謝傳媒關心，對於傳媒嘅揣測係你哋自己問題，我對我個女何超盈係絕對信任，佢喺網站、微博已經清楚交代晒一切，係佢嘅答覆，我同何生同家人喺呢件事上，係絕對信任佢，希望佢身體早日康復，同大家交代問題。」說完四太隨即離開，記者追問她個人睇法？她回頭再次強調說：「我都講咗，絕對信任超盈。」而超盈細佬何猷君亦有到場，透露家姐身在香港，健康已好轉。
梁安琪與兒子何猷君齊齊出席慈善餐舞會。
同場還有港姐黃心穎、岑杏賢和華姐張曦雯，當中以黃心穎最為性感，問她如此性感是否想在ball場結識富二代？她說：「啲人唔會寫住『好有錢』喺額頭度，要合眼緣，同有上進心。」
張曦雯（左起）、岑杏賢、黃心穎爭妍鬥麗。
from:
http://orientaldaily.on.c ... /00282_088.html
