自從林峯大方公開同吳千語拍拖，「峯語戀」黐纏到見少陣都唔得，東京度歲，繼而戀戰沖繩，再啱啱响意大利米蘭返香港，十九日出遊三轉。林峯愛出埠拍拖，舊愛都一樣。前排潘霜霜同從事名車買賣嘅姓金男友，齊齊飛去峇里歎世界，有傳兩個情變鬧分手，但相中潘霜霜同男友又攬又拖又錫，用情侶Hermes，分手純粹齋吹。
情侶Hermes遊峇里，潘霜霜以肉嘴證明同姓金男友冇情變。同男友拖晒手光明正大合照，唔使再瞓床影相。
一對舊情人鬥晒！潘霜霜明刀明槍攬啜錫，但千語BB就話同林峯拍拖旅行分房瞓，莫非峯少床照陰影未癒？
剛過去嘅農曆新年，林峯同吳千語俾人發現响上海出發去東京旅行，女方仲話同男友分房瞓喎！
