現年38歲嘅羅敏莊（Mimi）同陳國邦婚後生咗個得意囡囡陳禛，雖然有美滿家庭，但事業似乎麻麻地。早前佢炮轟遭無綫冷待，陀B期間冇劇拍要坐冷板凳，8月就快約滿，𠵱家成日俾人追欠騷，難怪佢話喺TVB做到好冇癮，13年青春冇晒，得個桔咁話。
唔知係咪壓力太大，前日下午五點幾Mimi約埋一位男性朋友去銅鑼灣購物減壓，但唔見老公陳國邦同行，可能要努力搵銀養家啦。
逐個研究好投契
Mimi同男性朋友去咗蘋果商場地牢一間專賣內衣嘅舖頭，見佢哋傾得好投契，兩個人仲拎起唔同款式嘅bra逐個摸，試吓邊款質地較好，男性友人畀完一輪意見後，Mimi就攞住幾個bra入去更衣室試吓，可惜都唔啱心水。約15分鐘後，佢哋再行咗幾間賣衫嘅舖頭，但都冇收穫，足見Mimi呢位人妻真係好慳家，唔會亂花錢。
羅敏莊好決絕話唔再同無綫續約，仲話要專心湊女，所以前日雖然搵咗個男性朋友一齊去買bra，唔知係咪慳家，佢只係齋睇唔買。羅敏莊叫男性友人幫眼，細心試摸胸圍質地。
羅敏莊喺商場地庫嘅內衣店試bra試足15分鐘。羅敏莊同陳國邦係實力派演員，但佢兩夫妻都呻爆話俾無綫虧待。
from:
http://hk.apple.nextmedia.com/entertainment/art/20130307/18186695
