陳國邦與羅敏莊昨日帶同囡囡陳禛到荃灣出席親子活動，同樣擔任「晴天大使」的唐寧雖然已有一個兩歲大的孩子，但眼見陳禛細小又可愛，都忍不住要抱抱。不過面對閃光燈，陳禛嚇到想喊，羅敏莊說：「咁多閃燈，佢又啱啱瞓醒，我哋都成日帶佢出街，不過可能見到好多陌生人，有少少驚！如果陌生人掂佢係唔鍾意，同佢玩一陣之後，熟咗就乜嘢都得，性格係比較慢熱，似daddy。」羅敏莊又大讚女兒平時好好湊，她說：「我哋工作時交畀媽媽，各方面都好好！個幾月已經戒夜奶，可以一覺瞓到天光，所以我哋個樣好OK囉！」
陳國邦與羅敏莊（中）帶埋囡囡亮相，唐寧都不禁要抱抱。
from:
http://hk.apple.nextmedia.com/entertainment/art/20130429/18243187
