歌手麥潔文（Kitman）昨日為3月11、12日假尖沙咀文化中心舉行的「麥潔文畢生難忘演唱會2013」綵排，獲老公江華和好友李麗霞（黑妹）現身力撐。Kitman透露演唱會上將會有十幾分鐘的勁歌熱舞環節，曾經有「跳舞王后」之稱的她直言跳舞無難度：「其實都唔算好困難，我以前都有個朵叫Dancing Queen，問題係夠唔夠時間練習啫。」她又表示將會邀請好友黑妹和老公上台合唱：「本來想上年結婚20周年搞個紀念演唱會，不過啲期就唔到，所以今次要邀請佢來做嘉賓。」
麥潔文成功減去30磅，比之前清減不少，誓以最佳狀態開騷。江華現身撐老婆麥潔文，更讚老婆肥瘦一樣可愛。
肥瘦一樣可愛
Kitman表示為了這次演唱會勁減30磅，問到老公江華可有讚老婆減肥成績？江華賣口乖說：「一路都有讚，肥定瘦一樣咁可愛，不過瘦咗就可以着多啲靚衫，觀眾買飛入來睇佢減30磅都抵！」他更笑言老婆帶挈幫她減肥的中醫師的生意大增：「依家出街不停有人問佢點減30磅，即刻介紹佢哋去我老婆拔罐嘅中醫師度，成個成功人辦喺度喎！」
想搵雯女合作
另外，曾和江華傳緋聞的鄧萃雯近期自爆曾患情緒病，江華表示會慰問對方：「我冇佢電話，不過應該會關心吓佢。」他又表示有意找雯女合作拍福音電影：「我同佢都係基督徒，我想搵佢同我拍一套我創作嘅福音電影，（使唔使問老婆？）有時唔使問，睇你做咩啫！」
from:
http://orientaldaily.on.cc/cnt/e ...0306/00282_045.html
