江華52歲轉行賣保險克服情緒低谷：珍惜當下

現年52歲的江華，從影以來先後拍過不少劇集，其後因為在劇集《西遊記》中演唐三藏而走紅，不過最近十年他淡出幕前，原來當年因為腰患而影響生活，情緒一度出現壓力，反思過後，最後走出陰霾。為承諾而加入保險行業的他，直言每天努力學做人，「凡事謝恩，珍惜當下」更成為他做人的座右銘。

被喻為「比劉德華更加劉德華」的江華，06年有傳他因腰患導致抑鬱症而停工休養，在鏡頭前消失了近十年，江華最近被讀者經本報「爆相爆片」，發現他轉投保誠做保險。久違了的江華，昨日在沙田接受《蘋果》訪問，雖然他依然保存比「比劉德華更加劉德華」的感覺，不過言談間似乎少了一份執著。

對於當年被傳患抑鬱症，他笑著否認說：「傳聞嚟啫，當年拍完《紅拂女》喺北京宣傳，我發作得好嚴重，腰腿出現嘅問題，導致我精神好有壓力，以前諗都唔諗呢啲事，點解一個人行得走得食得瞓得，突然間會變成乜都唔得？嗰陣我習慣咗無論係坐呀、行呀、企呀，十項全能乜都係控制喺自己手度，但係突然做乜嘢都唔得，慢慢就有好多恐懼，跟住又開始諗，我係咪一世都係咁？我好驚，好擔心之後會唔會癱，咁我老婆同仔點？會唔會搵唔到食？」

江華因為一個承諾而加入保險，新工作令他眼界大開。互聯網圖片

江華曾因腰患而令精神出現壓力，幸而得太太麥潔文支持。資料圖片
「軟弱時有好多恐懼」

腰患令江華曾經變得好灰，不過他從而反思人生，他說：「嗰一役話你知，對唔住，原來好多嘢唔係你可以決定，有幾多錢又點？幾有才華同幾多人鍾意又點？有啲嘢可以令你乜都冇，我覺得搞唔清楚究竟人生係點？一個人喺軟弱嘅時候，會有好多恐懼襲擊你，之後我信咗耶穌，喺嗰段日子我唔想再拍戲，要調較自己生活，反思人生係乜，直到今日好似有一種起動感覺。」

經歷過後，江華直言目前的生活開心又感恩，他說：「其實你抬頭望一望個天，你會發覺自己實在好渺小，做人有幾叻啫？生老病死又唔可以控制到，我𠵱家有八個字成日提醒自己『凡事謝恩，珍惜當下』，呢個先係最重要，未發生嘅嘢都冇人知，諗嚟都多餘。」慢慢地江華開始想通了，他說：「我喺靜咗呢十年裡面，我學識咗反思，體會咗好多嘢，人生開心唔係好難，只係我哋唔明白，我亦唔知邊一日會再出發，所以籌備咗好多嘢，學識修心養性，從唔同角度去思考，去學習，真係得著好多。」

江華坦言人其實很渺小，他經常提醒自己「凡事謝恩，珍惜當下」。

從沒有放棄拍電影

江華強調自己從來都沒有放棄搞電影，一直有跟投資者傾談，今次加入保險行業，原來背後有一個故事，他說：「我相信每一件事嘅出現，都有佢嘅美意。我有一個好耐冇見嘅朋友，有一日突然搵我見面，食飯嗰晚我問佢做保險做得好唔好，佢話由我識佢嗰日做到𠵱家，連續十年都係頭五位，不過佢話佢嘅團隊只係得佢自己一個，於是問佢點解唔搵人加入，最後傾傾嚇佢話如果我肯加入，就會搞團隊，所以咪因為呢個承諾而加入保險。」似乎感覺冥冥中有安排，他笑說：「梗係啦，如果唔係無端端會做保險，不過我諗嘢同其他人有啲出入，主要唔係叫人去買，反而係主動同人做朋友，想識多啲人，呢個係我自己睇法。」

採訪：何慧斯
場地：沙田凱悅酒店
from:http://hk.apple.nextmedia ... 150617/19186782

江華憑《九五至尊》雍正一角，贏得我最喜愛角色獎。劇照
經常被指「比劉德華更加劉德華」的江華，今年52歲，原名陳木華。86年參加亞視藝員訓練班入行，曾以《但願人長久》奪金像獎最佳新演員，95年離開亞視。

江華與雯女當年合作《我和春天有個約會》時傳撻着。

江華曾與鄧萃雯合作《我和春天有個約會》時傳緋聞，更有雜誌影到他於雯女家過夜，但江華與太太麥潔文及雯女齊聲否認。之後江華轉投無綫，於《西遊記》飾演唐三藏而廣為人識。03年他憑《九五至尊》皇帝雍正一角奪得我最喜愛角色獎，事業攀上高峯。05年完成劇集《鳳舞香羅》後離開無綫，之前因腰患致患上情緒病，三個月前轉任職保險從業員。
from:http://hk.apple.nextmedia ... 150617/19186787

江華和太太麥潔文前晚拍拖睇戲，江華謂轉職保險業感興奮。

江華之前接受本報訪問時透露加入保險業，不過他強調自己跟其他人不同，他主要不是叫人買保險，他目的是想主動認識更多朋友，此言一出便瞬間奏效。前晚江華陪太太麥潔文到圓方出席《未來戰士：創世智能》首映，江華表示太太偶像是阿諾舒華辛力加，所以每一齣阿諾的電影，他都會陪太太入場欣賞，江華被問到發展中的保險事業時，他興奮報喜說：「唔講唔信，之前有一日我走出屋企門口整車嘅時候，有人搵我買保險，佢問我：『江生，可唔可以幫我買保險？』感激大家支持，同埋𠵱家全世界都知我住邊，屋企變咗旅遊景點，有日又有一對男女企喺我架車影相留念。」

貝安琪是電影首映常客。

黎燕珊表示兩名子女在外國讀書，會趁暑假回港休息。

C AllStar四子前晚齊齊出席首映禮撐場。

「怕拍劇辛苦」

江華轉職做保險，但他仍然未有放棄幕前工作，仍會繼續投資電影和拍戲，曾經在無綫風光一時，江華被問到會否重返大台拍劇，他笑笑口說：「我邊有本事，TVB咁多猛將，佢哋好多人，我怕拍劇辛苦，係呀！我冇咁嘅能力同本事，不過，價錢好可以傾吓，講笑啫！」之後，江華又自爆入電視城做訪問時巧遇汪明荃，他說：「阿姐問我幾時返嚟拍劇，我話同佢拍我就拍，都係講吓，其實我同佢一齊唱歌做節目都得。」

另外，雷頌德、貝安琪、C AllStar和黎燕珊跟一對子女都有出席，黎燕珊表示女兒和兒子返港放暑假，稍後會一起去日本旅行。

採訪：張俊銘
攝影：仇志德
from:http://hk.apple.nextmedia ... 150702/19204973

江華噚日話唔會主動賣保險畀娃娃舜。資料圖片

幾時都話網絡世界嘅嘢，係千變萬化，尤其係喜好方面，真係難貼過中六合彩。好似喺2001年，因為參加婦女節目嘅鬥唱環節，唱咗一首《娃娃愛天下》而俾評判江華狠批嘅黃宏舜（娃娃舜），雖然佢歌不精、舞不勁，舞姿騎呢，真係好難令人動心，點知就係有人愛佢嘅獨特台風兼五音不全嘅唱功，令佢喺節目演出嘅「精采」片段喺網上瘋傳，呢條笑爆嘴嘅短片，冇受時間影響，09年有網民再喺YouTube上載，一個禮拜嘅瀏覽次數突破30萬，你都咪話唔厲害！

網友開「阿舜屋」專頁

當年江華曾狠批娃娃舜嘅演出。互聯網圖片
唔知係咪因為江華俾人野生捕獲佢復出做保險嘅關係，搞到有人喺網上尋舜，結果皇天不負有心人，噚日有網民喺網上搵番娃娃舜，佢仲同一個南亞裔女人結咗婚，生咗小朋友，仲話佢多數喺元朗錦田、屯門、將軍澳等出沒，亦有網民話佢喺觀塘揸小巴，冇耐呢個阿舜亦都有留言話：「估唔到隔咗咁多年，仲有咁多人睇，認真畀面多謝支持！」之後仲有網友幫佢開咗一個叫「阿舜屋」嘅專頁。噚日馮仁昭都有問過江華，問佢會唔會去搵娃娃舜買保險，江華就話：「我唔會主動搵佢買！但如果佢有需要，我一定賣畀佢！」

撰文：馮仁昭
from:http://hk.apple.nextmedia ... 150707/19210649