首次飾演女警的周麗淇為演活佗槍師姐，狂操體能之餘，更由姐夫介紹下結識現役女警，下足工夫，而在劇中做剩女的Niki，表示在現實生活中有很多人追求，不愁寂寞！
Niki為拍戲孭16磅重皮帶，弄得腰間瘀傷。Niki風騷表示現時多追求者。
周麗淇（Niki）在劇集《女警愛作戰》演活佗槍師姐角色，但原來她是首次飾演女警，而為了做得神似，事前下了不少工夫，她說：「我練咗兩個月體能，同埋同現役女警溝通。」她表示女警是姐夫和編劇介紹的：「因為姐夫啱啱識咗一個教練嘅太太就係督察。」
拍戲多瘀傷
不過她表示拍攝時最痛苦的事，莫過於要每日背着沉重的皮帶，她說：「條皮帶16磅，仲要狽住追賊，返到屋企我腰間兩邊都因為太重瘀晒，連上次我做宣傳，孭咗一陣都已經瘀咗。」說罷隨即掀起衣服讓女記者看腰部，真的瘀了一撻，可想而知拍戲時有多嚴重。因此她表示要特別多謝警務人員，尤其是女警，她說：「因為佢哋除咗工作之外，仲要兼顧家庭，好偉大，呢套劇都係想話畀啲男仔聽，唔好咁膚淺，要欣賞內在美。」
Niki坦言與鄭嘉穎各自成長，拒談翻撻。首次演女警的Niki為角色落足苦功。
好耐冇聯絡
Niki在劇中是剩女一名，而現實中她亦是一名「盛女」，Niki入行以來的緋聞一隻手數得完，而最令人深刻的就是與鄭嘉穎的一段情。問到二人還有否聯絡時，她即笑說問題太尖銳：「有合作先聯絡。（即係好耐都冇聯絡？）咁大家都忙。（過時過節都唔會互相祝賀？）唔會刻意講，唔想再掛鈎，講足幾年，大家都成長咗。（關係ok？）冇嘢，我哋成日都喺後台見到，都有打招呼同傾偈。（有冇機會翻撻？）哈哈，從來都冇撻，何來有翻撻呢？」再問到她現在的感情狀況時，她即風騷表示處於很多人追求的狀態。
from:
http://orientaldaily.on.c ... /00282_045.html
