依家啲壞人真係多，不過如果「影胸狂」遇到楊千嬅，一定無運行呀！話說早幾日記者落大坑食tea，咁啱撞到千嬅同朋友。當時佢哋行喺馬路中心，其間有架貨van轉彎向佢哋迎面駛過嚟，不過千嬅都冇乜反應，係個friend一手拉番佢入行人路。過完馬路，千嬅忽然回頭望，話咁快見到記者影緊相。之後，佢哋仲去咗明星飯堂「火車頭」醫肚。原來千嬅認人唔認車嘅！
楊千嬅一行3人到「火車頭」食越南菜，知道有記者等，專登上二樓閣仔，食飽飽先施施然落嚟坐車走人。
楊千嬅有鋪行馬路癮，明明有行人路都鍾意同車爭吓路。有客貨車駛入，佢依然想直行直過，好彩個friend拉佢埋一邊。
