無綫處境劇《愛•回家》嘅劇情，近期以黎諾懿飾演嘅馬壯愛情線為主。雖然馬壯愛得辛苦，但現實嘅黎諾懿同女友不知幾sweet sweet。
話說上兩個禮拜，媽咪姐同屋企人去跑馬地街市名人飯堂銖記食雞燉翅做節，撞正黎諾懿拖住身家逾5億、07年落選港姐有米女友李潔瑩同一班朋友飯敍。
其間媽咪姐發現黎諾懿好識照顧另一半，而女友又攞出佢哋兩人嘅旅行拍拖相同朋友分享，sweet嘅程度媲美新婚夫婦。難怪男方之前接受本刊訪問，承諾會儲錢娶女友，睇嚟都好事近咯！
一見到女友安靜落嚟，黎諾懿即刻講笑𠱁女友。咁識做，抵讚！席間，李潔瑩更以手機向朋友騷兩人旅遊甜蜜相。旁邊嘅黎諾懿就笑到含春咁款。
