性感女星張暖雅趁新年放假，豪花三萬元到柬埔寨的小島狂飲狂食，更獲當地人送錢、寫信冧到爆！不過，她卻蝦碌累團友被海膽拮傷，之後更以烏龍方法急救，令團友流血。
張暖雅在柬埔寨的小島狂食狂玩五日，結果肥了不少。
張暖雅於農曆新年期間，一行六人飛往柬埔寨的小島度假五日四夜，由香港出發，搭車又搭船，再加飛機，足足花了11小時，各人繳了三萬多元港幣，在該小島狂食狂玩。
收「豐厚」利是
張暖雅對此行讚不絕口：「我哋冇後悔去嗰度，一去到，所有職員都企喺度接我哋，又遞毛巾又送果汁，仲24小時任叫龍蝦、紅酒、白酒等，由米芝蓮廚師煮，好好食，搞到我肥咗6磅。職員仲練定中文講『恭喜發財』，又派當地貨幣八百蚊嘅利是畀我，好開心，但兌番原來得個半港幣。之後佢哋又親手寫信畀我，雖然啲中文超爛，但好sweet。」
張暖雅喜獲當地人的大利是，但兌回港幣原來只得不足兩蚊港幣。最怕曬黑的張暖雅去到小島，即大解放同陽光玩遊戲。
張暖雅又指，該小島的老闆是環保主義者，故島上所有東西均用竹和木頭製造，她說：「飲管用竹整，連紙巾都係竹紙，感覺好大自然，每樣嘢都好人性化。」
拔刺誤傷朋友
不諳水性的張暖雅又玩浮潛及出海釣魚，但她卻嚇到好友一額汗，更擺烏龍害朋友受傷：「朋友怕我被浪沖走，猛拉我走，點知佢唔小心捉錯海膽，成百條刺拮入手，睇醫生時佢話消毒就得，但我哋覺得唔安全，於是叫醫生幫朋友拔番啲刺出嚟，我哋用指甲鉗同眉刀嚟拔，搞到朋友成手血，都未挑到出嚟。事後我上網睇，原來真係唔使挑，啲刺會畀身體吸收。」
from:
http://orientaldaily.on.c ... /00282_053.html
