農曆新年長假，日本和韓國可說是港人的旅遊熱點。想喺當地上網打卡，買張漫遊SIM卡係最抵玩嘅方案。日本方面，近期最熱門係由中國聯通推出的「日本7日上網卡」，它使用日本SoftBank網絡，提供當地4G無限數據以及100MB香港數據，不過當總數據用量達3GB後，便會限速至128kbps；小記在鴨寮街的攤檔，見到它只賣$80，計番每天只需$11.4，相當抵玩。如果數據用量較多的用家，則可考慮3推出的「日本7天無限上網」，用上Docomo 4G網絡，首7GB全速4G運行，其後數據才限速，街價$100左右，除番開約$14.3一天。
雖然「4G LTE南韓5日無限數據卡」封套標價$168，但鴨寮街攤檔僅售$58。
至於韓國方面，熱賣的有開心電訊「4G LTE南韓5日無限數據卡」，雖然只有1GB全速數據，其後會限速上網，但僅售$58，適合低用量的用家；最吸引是支援SK Telecom及KT兩大當地網絡，讓用家隨時切換，確保接收穩定。唔介意畀多少少，可以諗吓3推出的「韓國8天無限上網」，街價$80左右，可享4G LTE全速5GB數據用量，論抵玩程度都唔輸蝕。
中國聯通出品的「日本7日上網卡」，俗稱為櫻花卡，街價售$100左右。
「韓國8天無限上網」出自電訊商3，街價$80左右，平均每天上網費用只需$10。
由3推出的「日本7天無限上網」用上Docomo網絡，上網速度較為穩定。
撰文、攝影：林子聰
