39歲的馬國明，自從陳豪被陳茵媺留為己用後，跳升成為無綫頭號筍盤，不少花旦姐仔爭住企圖「落訂」做明嫂。眼花撩亂揀唔定，同胡定欣又拖拖拉拉，糾纏超過三年；直到半年前，胡定欣釣到開廣告公司男友沈柏淳（Patt），才撤離太古城撇清同馬國明關係，與現任男友同居渣甸山，全力箝實新歡。
終於放手！馬國明亦唔輸蝕，同原本以兄妹相稱的唐詩詠，暗地搞埋一齊。二月十二日，唐詩詠便陪住馬國明過生日。
唐詩詠陪馬國明慶祝生日，更搵來林子善及黃嘉樂等人做掩護，將三個月的感情盡量低調處理。
胡定欣是馬國明唯一承認過女友。
未發現記者前，兩人黐得埋之餘，更傾得十分開心，唐詩詠不時嘴角含春。唐詩詠未到，馬國明悶悶不樂，同一名男友人吹水。
唐詩詠在微博上公開祝馬明生日快樂，更講明「愛你」同加上愛心圖案。發現記者後，兩人分開坐，扮生疏。
記者要求合照，唐詩詠彈到九丈遠。林子善見場面尷尬，於是作狀送馬明Birthday Kiss。
打情罵俏
由兩年前決定同胡定欣分手開始，馬國明雖已被一眾無綫姐仔吼到實，但由於前度未完全放手，令一眾對馬明流晒口水的姐仔不敢輕舉妄動，選擇睇定嚟食。
空置多時筍盤，最近終於有新「住客」。據了解，馬國明與唐詩詠在三個月前開始秘密發展，由原本契兄妹，演變成戀人關係。
上星期三（二月十三日），馬明三十九歲生日，生日宴早在前一晚，於大坑林子善所開的龍鳳冰室舉行。晚上七點，馬明離開太古城寓所揸車落大坑，唐詩詠未到，壽星與朋友吹水打發時間，但全程卻表現得心不在焉。
八點十五分，馬明終於見到唐詩詠出現，即時回復生猛！二人有默契地坐埋一齊，唐詩詠不時含情脈脈望住男友冧笑，完全當身邊的林子善、黃嘉樂等人不存在，互相打情罵俏。
姐仔嗒糖
陳豪被陳茵媺私有化後，馬國明接棒成為無綫「筍盤」，合作過的花旦不時乘機示好，躍躍欲試。
李詩韻
09年，二人合作《鐵馬尋橋》，性格溫柔的李詩韻一度成功令馬國明嗒糖，主動追求，又不時做外賣仔送早餐消夜氹女友。
朱晨麗
去年，馬國明與朱晨麗在《名媛望族》中演夫妻，之後又再合作《衝上雲霄2》，有傳二人日久生情，早前二人出席宣傳活動後，馬國明做柴可夫接送朱晨麗當場斷正。
賈曉晨
11年，有指馬國明與JJ拍攝劇集《飛虎》時撻着，二人在片場公然以「老公」、「老婆」相稱。
徐子珊
08年，馬國明與徐子珊合作《甜言蜜語》，女主動追男，二人被發現穿同款同色情侶波鞋。
直至唐詩詠發現有記者影相，於是迅速彈開兩個身位，同馬明保持距離，打邊爐時又刻意冇乜交流，之後記者要求他們合照，馬明索性拉住林子善做擋箭牌，唐詩詠就自動自覺企到最側，叫唐詩詠送Birthday Kiss，她更加尷尬，幸林子善轉數快，即刻作狀錫馬明，幫手解圍。
兩人向來合拍，之前在活動上見馬國明流晒汗，唐詩詠好細心幫他抹汗，當時她更表示過只要馬國明開聲追，她隨時ready。
冧爆回應
本週二，馬國明返電視城開工，春風滿面向記者大派利士，更開腔狂讚唐詩詠係好女仔。
唐詩詠同崔建邦拉鋸了七年，早前決定只保持普通朋友關係。
大半年前，唐詩詠搬去陳茵薇桃花屋隔籬單位，結果同樣釣到筍盤。唐詩詠大晒買了棵心形花，暗示感情生活心花怒放。
掌握一切
馬明同唐詩詠合作《鐵馬尋橋》開始熟絡，與劇中幾個兄弟鄭嘉穎、林子善同黃嘉樂更以兄妹相稱，當中唐詩詠與馬明感情最好，之後再合作《真相》及《紫禁驚雷》，二人更變做情侶，其時正值唐詩詠與崔建邦經常離合階段，每當情緒低落，馬明都不時陪住開解，又勸她對崔建邦死心，對唐詩詠的感情狀況完全掌握。
「馬明最初真係當Natalie係自己妹咁，但相處得耐，開始對佢由憐生愛，男友（崔建邦）衰咗咁多鑊，Natalie都仲死心塌地好專一，同埋兩個人性格好啱，都係唔蒲唔爛玩；但馬明最鍾意係Natalie孝順，同佢一樣以屋企行先，撐起成頭家。大家慢慢發覺共同話題愈來愈多，Natalie又對拖拉咗好多年嘅崔建邦徹底心死，只當係普通朋友，天時地利，令佢哋發展成為拖友。」馬國明身邊人說。
搬入桃花屋
早前唐詩詠曾公開表示想同陳茵媺一樣，可以搵到個筍盤，於是搬了去與豪嫂住埋同一屋苑清水灣半島，仲要住正陳茵媺隔籬單位。風水旺桃花，一搬即中！
被唐詩詠「進駐」筍盤，馬明雖然例牌否認，但就一副冧樣狂讚。
「我哋唔係拍拖，嗰晚仲有好多人一齊食飯㗎。（Natalie好唔好，有冇資格做你女友？）佢好好，簡直一流，又乖又俾心機做嘢，佢係好女仔嚟嘅！（點解唔認，要搞地下情？）暫時仲未係，將來嘅事就未知，個個可能性都有機會。」
馬國明前度胡定欣，同男友拍拖半年已經去到同居關係，兩人以月租五萬租住渣甸山花園大廈。
連日來胡定欣與男友阿Patt出入同一大廈，但被問到是否同居，兩人都講大話否認。
之前被指有公主病要人服侍的胡定欣，現在經常做司機接送男友。
同居箝實
至於馬明的前度胡定欣，出盡法寶多番死纏，都無法令馬明食回頭草，唯有改變主意，另擒目標。半年前，終於搞掂開廣告公司的沈柏淳（Patt），兩人發展極速，胡定欣更一早帶男友見晒家長，又公開表示希望四年內，三十五歲前結婚，還公開講明，現任男友是結婚對象。
為了進一步箝實男友，胡定欣由原本住近馬明的太古城，搬了去月租五萬元渣甸山，與男友同居試婚，又做埋司機不時接載男友出入，搣甩公主性格。
不尋常關係
圈中情侶為保戀情，常借「兄妹」、「契哥」關係做煙幕，契契吓契出真感情的，大有人在。
張栢芝、謝霆鋒
00年，謝霆鋒與張栢芝拍電影《老夫子》結緣，栢芝之後在慈善騷中表演飛車受傷入院，霆鋒到場探望，當時二人以兄妹相稱，否認拍拖。兩人一度因為王菲介入分開，但最終復合，06年9月更飛菲律賓小島秘婚，誕下兒子Lucas及Quintus兩子，至11年離婚。
吳卓羲、Toby
兄妹相稱的吳卓羲及Toby，去年到三亞拍《衝上雲霄2》外景時，被拍得深夜在酒店泳池水戰，其間更多次互攬互摷，離開時又手拖手，但二人仍以「兄妹情」解畫。
佘詩曼、麥子樂
曾經多次同阿佘合作的麥子樂，被對方一直以「契細佬」稱呼，去年拍拖到大坑食雪糕斷正。
女食家
靠「姣」上位的胡定欣，多年來公開痴戀馬國明，但亦嗒盡不少無綫小生，屬於「食家」類別。
吳浩康
99年，與吳浩康參加《新秀歌唱比賽》認識，01年開始秘密拍拖，06年二人攬腰行街令戀情曝光，後因莊思敏介入分手。
馬德鐘
04年，胡定欣在《衝上雲霄》中飾演馬德鐘細妹，有傳二人關係曖昧，試過被拍得齊齊蒲disco，馬德鐘駕車帶胡定欣返家。
郭政鴻
07年，與郭政鴻合作《野蠻奶奶大戰戈師奶》，有指二人經常相約食消夜飲酒，胡定欣更以「我條仔」稱呼對方。
吳卓羲
多次與吳卓羲合作的胡定欣，05年拍《西廂情緣》時，胡定欣收工要對方車埋自己，又有人目睹二人漏夜搭的士返屋企，翌日女方開工時著同一套衫。
