鄭融與拍拖年半的英國男友感情穩定，踏入蛇年她希望事業愛情更加好：「我想好似王菀之咁拍劇，最有興趣拍古裝劇。之前貪得意試戴古裝頭套，覺得自己古裝造型都幾靚。（幾時派利是？）暫時未諗，不過都想派開工利是，派利是好開心。」
鄭融希望來年到男友家鄉英國拜年。
農曆新年踏正西方情人節，雖然鄭融男友身處外地未能一齊慶祝，但她仍向母親請教烹調賀年食品，好讓男友來港時仍能感受新年氣氛：「我男友係煮食高手，不過係整西餐。我想跟媽咪整蘿蔔糕同年糕，想喺男友面前叻番次。（男友識講恭喜發財？）同我一拍拖佢已經學廣東話，佢識講恭喜發財o架！」
from:
http://orientaldaily.on.c ... /00282_006.html
