張繼聰潮入屋

【老表你好熱】張繼聰做了歌手8年，在樂壇載浮載沉，更曾被譏諷為窮歌手，等到今日，他終憑劇集《老表，你好嘢！》的配角宋為潮起死回生，出街人人都叫他潮潮，不再只是謝安琪的老公，阿聰事先張揚說：「潮潮係賤男，但唔代表我本人。」


張繼聰昨日接受專訪時，坦言首次拍劇，即感受到劇集的威力
張繼聰在《老表》飾演的潮潮十分鬼馬，大受歡迎

當年在演藝學院主修表演的張繼聰，黃秋生、梁家輝和謝君豪都是他的師兄，阿聰畢業後卻揀了歌手這條路，可惜他在樂壇8年未嘗名成利就，反而拍無綫劇《老表，你好嘢！》扮宋為潮一角打響名堂，他昨日接受本報專訪時說：「第一次拍劇，真係感受到好多人睇電視，𠵱家出街啲人會叫我潮潮，去茶餐廳老闆會送例湯。」

阿聰為角色花了很多心思，又向品牌借衫拍攝，他說：「自己每次背晒劇本入廠，令我更加佩服郭晉安，佢唔使攞劇本，畀我感覺功力深厚，就算我點放膽演，都走唔出佢嘅五指山。」

不卑不亢心態
不過，潮潮最終卻背叛女友晴晴（王菀之），問會否擔心角色賤男破壞歌手形象？他笑說：「𠵱家好多人鬧我：『點解你咁衰，咁對晴晴。』潮潮係賤男，但唔代表我本人，王菀之一邊拍一邊恐嚇我：『你死啦，晴晴咁可愛，你都飛佢，啲人一定鬧你。』我唔擔心啲人鬧我賤男，覺得自己係藥引，大力啲折磨佢，佢先會容易發揮。」

角色的成功，是否令阿聰擺脫謝安琪老公的稱號？他說：「微博開始有人講：『原來謝安琪係你老婆』點稱呼我控制唔到，以前做音樂我好用心，但收成唔成正比，我經歷過好刻薄、尖酸嘅人生攻擊，已經過咗介懷階段，我對自己藝能有一定信心，希望保持不卑不亢心態。」就算以前被踩為窮歌手，阿聰亦不在乎說：「你可以話我窮歌手，但已經比一般人幸福，唔使擔心交唔到租，照顧唔到屋企人，𠵱家唔希望廣告客戶以為我脫咗貧唔搵我做嘢，哈哈！」

為仔出跳舞碟
《老表》的成功，令阿聰又接拍了新劇《食為奴》，但他揚言要繼續出碟，他說：「今年會出國語跳舞專輯，年紀開始大，筋開始硬，過多幾年力不從心，囝囝好鍾意BIGBANG，做仔嘅一定有覺得阿爸好老套嘅階段，自己想做一隻跳舞碟留為紀念，畀佢知阿爸都有型過。」

此外，郭晉安、陳敏之與糖妹昨日在將軍澳出席活動，提到《老表》熱爆，有說王祖藍踩過界創作引起編劇不滿，同劇的安仔力撐祖藍：「有創作係好事，𠵱家收視成功即係佢嘅idea成功咗。」

From:http://hk.apple.nextmedia.com/entertainment/art/20130131/18151536

前港姐許亦妮在劇集扮「小三」勾引張繼聰，她昨在微博上載一張晒大髀與「人夫」張繼聰齊穿浴袍的相片，隨即引起張繼聰老婆謝安琪醋意大發，在微博「大興問罪」，許亦妮見玩出禍，即在微博向「阿嫂」耍冧！而《老表，你好嘢！》結局篇劇情亦率先曝光！


許亦妮與張繼聰的浴袍照，令張繼聰老婆謝安琪醋意大發。

許亦妮在劇集《老表，你好嘢！》中演「小三」成功從王菀之手上勾引張繼聰，她昨上載一張露大髀跟張繼聰的浴袍照，惹人遐想，張繼聰正印謝安琪（Kay）隨即在微博上打翻醋埕，她寫道：「宋為潮（張繼聰飾）你着住浴袍，Monica D又着浴袍，個背景又咁似酒店之類咁……」Kay似乎很擔心老公「偷食」，還上載了一張寫有「I am Worried」（我擔心）的可憐小狗照。許亦妮見玩出禍，在微博連忙向Kay解釋兼「耍冧」：「給阿嫂：我哋只係覺得這裡很Vintage所以喺嗰度留影一張……我哋……好乖乖o架，阿嫂熄（息）怒。」

安仔撐祖藍成功
至於《老》劇第17至19集講述王祖藍終與親生母親朱咪咪相認，張繼聰被許亦妮拋棄後淪落到在街頭扮MJ賣藝。祖藍在醫院向王菀之示愛表白成功，沒料張繼聰欲重新追求王菀之，祖藍即唱林峯歌曲《愛不疚》憑歌寄意勸張繼聰放手。

郭晉安帶旅行團時勇救小孩變「人民英雄」，人氣爆燈的他更被旅行社邀請出任CEO；安仔向萬綺雯求婚被拒，但兩人依然恩愛，安仔更趁機吻女友；大反派林盛斌因賣過期藥水而令接受手術的黃光亮昏迷，林盛斌隨後因被通緝而走佬，還綁架祖藍與萬綺雯勒索一千萬掀起高潮。大結局則大團圓成雙成對，安仔最後與萬綺雯結婚，祖藍與王菀之一起，林盛斌被捕入獄，懷有其骨肉的湯盈盈則獨力撫養BB。

另外，安仔昨日出席活動時對有傳祖藍參與《老》劇創作惹編劇不滿，他說：「依家創作需要新嘢，只要係好同新嘅創作都支持，其實有卅幾點收視證明祖藍成功。」

From:http://orientaldaily.on.c ... /00282_007.html