周家蔚誕7.4磅B仔似足爺爺洪金寶

恭喜！恭喜！周家蔚昨午2時為老公洪天明剖腹誕下7磅6安士（約7.4磅）龍子，也為老爺洪金寶帶來第一個孫兒。天明原本打算親自拍片兼剪臍帶，但可惜未獲醫院批准，不過他笑言囝囝樣子似足洪金寶。


周家蔚昨日剖腹誕下與洪天明的愛情結晶TJ，天明在兒子出世一刻感動得幾乎落淚
現年29歲的周家蔚和38歲的洪天明去年結婚，兩人的首個愛情結晶昨日終於出世！天明昨早8時40分駕車送老婆家蔚到九龍聖德肋撒醫院，為家蔚下午2時剖腹生產做準備，同行還有天明及家蔚的媽咪。甫抵達醫院泊好車，天明體貼地扶家蔚落車，並企定定讓記者影相，兩位媽咪就各拖一件行李，相信是家蔚這幾天的衣服和日用品。家蔚透露心情不算緊張，但天明就踢爆老婆口講不緊張，其實整晚失眠，還連累了他，天明又謂前晚晚飯時家蔚一度肚痛，以為就快生。

天明笑B大支嘢
至昨午3時15分，天明從產房下來親自向記者公佈喜訊，宣佈兩人的愛情結晶TJ已出世，重七磅六安士（約7.4磅），對於囝囝出世，問榮升父親的天明可有感動到喊？他說：「啲眼淚想湧出嚟，不過忍住，知道係開心時刻，唔想咁樣，覺得好神奇、好感動，開刀時有塊布遮住，攞BB出嚟聽到喊聲好touching。」TJ喊聲洪亮？天明說：「係呀，好似動物園啲鵝咁嗌，見到佢白雪雪好感恩、好感觸！」


天明笑言TJ未收水時似爺爺洪金寶，相信收水後似老婆家蔚咁靚
洪金寶昨日與太太高麗虹到醫院探望孫兒，天明全程在旁照顧
原來天明所以見到白白淨的兒子會感觸，背後有個笑話，他說：「TJ之前照超聲波，我話阿仔嗰度好大支嘢，鄭嘉穎就講笑話擔心係個黑人，𠵱家唔使擔心啦！係白雪雪，幾似我爹哋！可能水腫啦，所以似我老竇，收咗水就似我老婆。」天明大讚老婆很堅強，沒有喊過，最緊要TJ健康。原本天明打算親自為兒子剪臍帶及拍片，但醫院為怕攝錄器材不潔而不批准，但有工作人員為他們拍照。

洪金寶：我咁靚仔

問天明有沒有錫家蔚及TJ，他說：「有錫老婆但冇錫TJ，因為我有啲唔舒服，TJ𠵱家要放箱四個鐘，老婆麻醉藥後有啲攰休息緊。」榮升爺爺的洪金寶與太太高麗虹昨日到醫院探望新抱及孫兒，問洪金寶是否流晒口水？他笑說：「興奮到冇晒啦！」孫仔樣子似他？洪金寶說：「唔出奇，我咁靚仔！」但由於怕有太多細菌，故他暫不敢抱乖孫。至於送了甚麼禮物，洪金寶說：「送條命畀佢，我啲嘢畀晒個仔，個仔又畀仔。」他謂不需特別多謝家蔚，因她知道大家都錫她。至於乖孫名字是否改洪大仁？他說：「叫佢大爺啦！我同個仔各有諗法，或者打贏嗰個話事。」

From:http://hk.apple.nextmedia.com/entertainment/art/20130129/18149309

升任做爺爺的洪金寶，昨晚和太太高麗虹到醫院探望周家蔚，見到孫仔與自己十足餅印，笑言好興奮，流到冇晒口水，他自豪的說：「當然啦，我咁靚仔！（有冇抱孫仔？）依家啲流感、細菌咁厲害，唔敢輕舉妄動，冇抱到。」問到如何獎勵新抱時，他表示很感激家蔚：「多謝新抱，獎勵就唔使，一家人都知佢好好，一家人最緊要開心，生活快樂已足夠。」


洪金寶自豪孫仔似自己
他指還在考慮孫仔的名字，表示天明都有想法，笑言兩父子要打一場先，邊個贏就邊個話事。突然洪金寶又有感而發說：「其實做人嘅嘢，冇乜所謂，由細玩到大，60年之後，最緊要見到面，講真都唔知邊個去先。」難道當上爺爺就會變得如此感慨？

From:http://orientaldaily.on.c ... /00282_002.html

藝人洪天明與周家蔚上年3月結婚後不久，即宣布造人成功，趕上龍B尾班車。昨日家蔚在九龍法國醫院剖腹產子，囝囝「TJ」重7磅6安士，母子平安。而事先表示為愛兒「剪綵」的天明，卻因為謝霆鋒一句話而「縮沙」！


天明與家蔚及囝囝「TJ」的首張全家福出爐！

恭喜！恭喜！洪天明與周家蔚的寶貝仔「TJ」昨午終於出世！昨日早上8時40分，天明駕私家車載着妻子、媽媽及外母抵達醫院，準備剖腹產子的家蔚坦言心情並不緊張。至於天明安頓好妻子及辦妥入院手續後，約10時許再現身接受訪問，問他是否如之前所說，為囝囝「剪綵」（剪臍帶）？他似有「縮沙」之意說：「霆鋒話剪臍帶好殘忍，好似親手傷害BB咁，我諗諗吓都覺得係，所以仲考慮緊。」


寶貝仔重7磅6安士，同爺爺一個餅印
洪金寶

昨晨天明陪家蔚入院剖腹產子，二人前一晚都失眠，但否認緊張，難道是太興奮？

提早8日出世
直至下午3時許，天明再次現身，向守候在醫院的傳媒公布喜訊，透露家蔚約2時剖腹，BB重7磅6安士，問他是否擇定吉時？他說：「唔係，我同家蔚都係基督徒，其實預產期係2月5日，但BB個頭好大，所以比預產期早啲出世。」首次做爸爸的他直言唔緊張，反而前晚家蔚失眠，亦令他無得瞓。不過，前晚二人食飯時，家蔚疑似作動，天明以為BB搶閘，幸而虛驚一場，他說：「前晚食食吓飯，家蔚突然間話可能出嚟喇，最尾都冇事，可能佢肚餓咋。」


天明為太太打點一切，認真貼心
天明媽媽亦有陪伴左右

初為人父的洪天明四萬咁口，笑囝囝喊到鵝咁叫
TJ的預產期應該是2月5日，但BB頭好大，要提早出世
B仔「大支嘢」

天明因為霆鋒的一句話，而「淆底」唔幫囝囝剪臍帶，最後連醫生也「幫上忙」，天明笑說：「醫生話唔畀剪o架！」他坦言聽到囝囝喊聲，感動到想喊：「啲眼淚湧住出嚟，但係都忍住，感覺好神奇、好感動，聽到BB喊聲都好Touching。」天明表示囝囝最似爺爺洪金寶，他說：「之前睇掃描，見到個仔好『大支嘢』，鄭嘉穎仲講笑，話睇住生個黑人出嚟，但BB好白淨，白雪雪咁，好健康，手腳好大，喊得好有力，喊到好似動物園啲鵝咁叫。依家BB仲未收水，所以似爺爺洪金寶，收咗水就可能似我哋。」

From:http://orientaldaily.on.cc/cnt/e ...0129/00282_001.html