擔任《十大中文金曲頒獎禮》頒獎嘉賓嘅周秀娜，响台上高調承認回復單身，同拍拖六年嘅Avis真係分咗手。
不過娜姐唔認因為有第三者出現，強調只係近年大家步伐唔同咗，人生目標各走極端，最終選擇以手機短訊講數分手。
情變唔會一日內發生。上個禮拜六（十九日），娜姐出席籌款晚宴，當時佢未認分手，只係死撐話同Avis個幾月冇見面，但當事人瘦到皮包骨嘅身形，已經出賣一切！好在娜姐瘦身不瘦胸，心口肉依然堅挺，聽講佢嚟緊要拍套功夫片，因為勤練功，手瓜練出老鼠仔，睇嚟整多招心口碎大石，娜姐都仲頂得住。
瘦得嚟有胸又有老鼠仔，娜姐化悲憤為力量，聽講佢已經有四嚿腹肌。兩代女神同場，塊面愈來愈厚粉同開始膠嘅溫碧霞，就算再低胸，都唔夠班後生鬥。
