英皇新人馮允謙（Jay）歲半時移民加拿大接受西化教育長大，本以為思想洋化的他，原來是怕醜仔一名，早前跟無綫小花蔣家旻拍攝新歌MV，竟事先下「禁咀令」拒獻出螢幕初吻，當工作人員得知其原因是「太親密，唔可以公開做」時，全場爆笑指他是「古代人」。
馮允謙熱愛踩單車，踩足一日都毫無怨言。
馮允謙（Jay）加盟英皇後頗受力捧，為谷新歌日前連續趕拍兩首MV《夜半敲門》及《今天開始》，在《夜》MV中，無綫安排了電視劇《愛‧回家》的女演員蔣家旻任女主角，雖然兩位扮演情侶角色，但因蔣家旻是他幻想中的女友，故沒有太多親密鏡頭。問Jay是否錯失親近靚女機會？他反大聲叫好說：「我講到明唔拍咀戲，（點解？）我怕醜，況且佢唔係我女朋友，kiss係私下做，唔可以公開做。」
樂做宅男
問是否不愛親近女性？Jay強調之前有拍拖，只是性格內斂，僅接受鏡頭前拍擁抱戲，而拍《夜》MV時，最親近的鏡頭是蔣家旻向她耳仔吹氣。Jay笑言：「我唔會因為邊個而獻出螢幕初吻，雖然有人笑我『宅男』，但佢哋好好，冇逼我，好尊重我。」
在外國長大的馮允謙（左）原來極怕醜，對蔣家旻更是唔過電
蔣家旻與馮允謙拍MV沒有肌膚之親
Jay又謂拍《今》MV時大呼鬆一口氣，皆因導演只安排他騎單車，並沒有安排女主角，問他由朝到夜踩單車可感辛苦？他叫爽：「一啲都唔辛苦，因為我都鍾意踩單車，感覺寫意，好似去旅行咁。」
From:
http://orientaldaily.on.cc/cnt/e ...0118/00282_097.html
