喺無綫神劇《天與地》扮演嫩版阿佘嘅蔣家旻，喺大前年同朱敏瀚合作無綫劇《點解阿Sir係阿Sir》時撻着，一直被傳拍拖，佢兩個雖然多次否認，但又經常俾人影到有影皆雙。
「嫩版阿佘」蔣家旻同朱敏瀚雖然多次否認拍拖，但前晚喺銅鑼灣拍拖再次斷正。
影相即彈開
前晚8點半，素顏戴帽嘅蔣家旻，同戴住鴨舌帽嘅朱敏瀚雙雙喺銅鑼灣開平道拍拖，有人見到佢哋蹺晒手，感覺親密又甜蜜，不過突然殺出幾個記者影相，嚇到呢對小情侶即刻甩開手。
問到朱敏瀚同蔣家旻頭先係咪蹺晒手拍拖？身為男朋友嘅朱敏瀚頭耷耷唔出聲，反而蔣家旻挺身護男友，開聲話：「冇呀！」問佢哋係咪拍拖去睇篋？係咪一齊去旅行？朱敏瀚依然唔出聲，蔣家旻繼續獨力撐，笑住答：「冇呀，睇吓篋啫，都係為返工用之嘛。」
問到係咪拍拖，朱敏瀚只係頭耷耷，反而要蔣家旻開聲護男友。蔣家旻同朱敏瀚拍無綫劇《點解阿Sir係阿Sir》撻着。
from:
http://hk.apple.nextmedia.com/entertainment/art/20130507/18251449
