蔣家旻冚戀情匿埋拖手

現年二十五歲的蔣家旻早前接受訪問時表示感情未有著落，不過可能她貴人善忘，記不起日前曾經跟數碼電台的DJ Martin十指緊扣共遊銅鑼灣玩具反斗城。事實上早前已傳他們拍拖，不過女方死口否認，想不到今次斷正。

當晚七時許，本報目擊蔣家旻跟Martin孭情侶背囊出現銅鑼灣百德新街，同行還有兩名女性友人。他們入了一間精品店逗留了十分鐘後離開，當時Martin已手持戰利品。之後其中一名女性友人先行離開，餘下蔣家旻等三人往皇室堡方向行去，併入了一間意式餐廳。

睇玩具過手癮

Martin跟蔣家旻在意式餐廳選了一張長方枱坐，他們同坐一邊一同看一張餐牌，而女友人則坐在對面。吃了差不多一個小時後三人分道揚鑣，蔣家旻跟男友去到商場內的玩貝反斗城，他們先在店門前自拍合照。入到店內時兩人一齊看玩具，當發現附近沒有人時，Martin就趁機拖著蔣家旻的手，並先後拖手三次，蔣家旻完全沒有反抗，明顯有默契，拖手最長一次差不多有一分鐘之久。拖夠後兩人已經心滿意足，沒有購物便離開。

藝人的辛酸是要拍拖不單要避忌還要講大話，當蔣家旻和Martin步離玩具店，他們即變回普通朋友關係，並肩行到銅鑼灣港鐵站的便利店為八達通增值。原先他們還有講有笑，不過當店員通知他們有記者在拍照時，他們便顯得有點慌張，蔣家旻先故作鎮定離開，臨入閘前還問男友：「（記者）喺邊？」，當入閘後才發現記者位置，Martin只懂望著記者儍笑，要拍了兩次八達通才可以順利入閘。

採訪、攝影：梁繼光

【十指緊扣】

兩人在玩具店內看玩具時，曾十指緊扣，蔣家旻十分受落。DV圖片

【表現童真】

蔣家旻在店內不時把玩玩具，並顯得十分開心。

【情侶背囊】

兩人當日都是背著相似款式背囊到銅鑼灣拍拖。
from:http://hk.apple.nextmedia ... 150127/19017386

【十指緊扣】

蔣家旻前晚同Martin睇院戲拖住手走，唔知算唔算拍拖呢？

【數碼港、銅鑼灣】今年25歲嘅蔣家旻，因為拍劇先後同飾演阿哥嘅羅天宇，同埋劇入面做佢男朋友嘅李豪拍拖，雖然佢接受傳媒訪問時話感情方面未有着落，但其實本報早喺今年1月中，已經影到佢同數碼電台DJ Martin十指緊扣遊銅鑼灣，前日二人又喺銅鑼灣出沒，夜晚去完數碼港睇戲，仲情不自禁拖手兼咀嘴㖭！

前年蔣家旻同大佢3年、拍劇撻着嘅朱敏瀚拍拖斷正，但戀情最終見光死，冇幾耐蔣家旻就戀上大佢超過10年嘅港台前DJ、𠵱家喺數碼電台開咪嘅Martin喇！

前日下午4點幾，本報先發現蔣家旻一個人喺銅鑼灣行街，行咗一陣佢就行去時代廣場地下連卡佛，原來係同男友Martin會合，最初Martin同幾個講日文嘅朋友一齊，但行行吓就走剩佢哋二個，蔣家旻同Martin之後拍拖行超級市場，但因為假期人多，二人全程只係並肩而行，唔敢有任何親暱動作，直到離開超級市場，蔣家旻喺過馬路時先會輕輕拉住Martin手臂，但一見多人就會縮開手。

【行街食餅】

蔣家旻同Martin行行吓街，突然喺袋攞咗個草餅醫肚。DV圖片

【離行離列】

Martin有朋友喺度，蔣家旻就會自動彈開。

纏綿搭小巴

蔣家旻和Martin最終喺銅鑼灣玩到夜晚9點多啲，然後就坐小巴去數碼港睇《五個小孩的校長》，其間Martin仲情不自禁錫女友頭頂然後再咀嘴。睇完散場已經11點幾，二人喺夜闌人靜更加完全放下戒心，離開戲院時再咀嘴，然後就手拖手坐的士，齊齊返過千萬嘅碧瑤灣愛巢。

採訪、攝影：陳辰、徐錦池、潘冠恩

【小鳥伊人】

蔣家旻同Martin坐小巴，成個人挨晒落去男友度。DV圖片

【車上互咀】

Martin情不自禁錫完女友頭頂，然後又咀嘴。

【帶仔返歸】

蔣家旻同Martin前晚齊齊返回碧瑤灣愛巢。
from:http://hk.apple.nextmedia ... 150407/19103303