現年38歲的周汶錡（Kathy）去年9月與35歲法籍男友Julien Lepeu在法國香水古城格拉斯（Grasse）舉行童話式婚禮，結束六年愛情長跑。昨晚一對新人在中環中國會包場，筵開11席宴請親友。9時後再搞私人派對，與300位賓客狂歡。Kathy發帖時已寫明賓客可穿上晚裝或作20年代打扮，婚宴也像舊愛杜德偉一樣玩懷舊風。關之琳、黎姿、劉嘉玲、周慧敏、琦琦和歐陽妙芝等盛裝打扮，畀面到賀。其中以關之琳和劉嘉玲最為搶鏡。
Kathy與丈夫Julien大晒恩愛，深情一吻。
努力造人生蛇B
Kathy與Julien在晚宴前下樓接受傳媒訪問，他們連咀兩次，問是否有再嫁的感覺？Kathy笑說：「今晚會有拋花球，我喺法國嘅婚禮，公公同婆婆冇去，我想着番婚紗畀佢哋睇，老公都會斟茶。」
不少親友都追問Kathy是否生蛇B，她說：「乜都有機會，我哋鍾意小朋友，會加油努力。」對於關之琳和劉嘉玲悉心打扮大為搶鏡，Kathy並不介意：「開心就得，乜都要靚。」城中多位美人到賀，劉嘉玲說：「祝佢哋白頭到老，生BB就自己決定，我向來都鍾意買20年代飾物，呢次正好拎出嚟扮靚。」黎姿和周慧敏都撇甩老公到場。
此外，晚宴預備了花膠和蝦球等九道菜式宴客，周麗淇又代姊向現場傳媒大派500元大利是，賓客回禮分別得到花生糖和曲奇。
周汶錡的妹妹周麗琪（左）擔當姊姊的伴娘，姊妹情深。
久未露面的周慧敏，deep V晚裝到賀。
關之琳一身懷舊打扮現身，她透露送了金豬牌給Kathy。
劉嘉玲打扮性感出席周汶錡的婚宴。
上山詩鈉（右）昨日攜同15歲的女兒Hilary出席。
黎姿與周汶錡交情深厚，亦盛裝出席飲宴。
From:
http://hk.apple.nextmedia ... 130113/18132136
