頂咗Sammi個期，Shine跨年紅館騷《SHINE PASSION LIVE》總算圓滿結束，為搞氣氛，又南除咗爆褲鏈，仲自爆同前女友拍拖兼同居3年，但當時為咗幫家人還債，忙於工作終告分手，又南話︰「當時希望27歲還完債，儲2年錢就結婚，但工作太忙，我忽略咗佢嘅感受，直至有日我返屋企，佢已經走咗。」
唔講唔記得，又南同杜如風07年拍過拖，但只係維持咗1年，杜如風仲曾經搞gimmick北上探又南拍埋落自己節目添！頭場杜如風都有出現，仲一早喺微博幫手宣傳，同好姊妹徐濠縈、仲有梁漢文老婆Karen入埋後台。單身年尾先30嘅又南，會唔會考慮翻撻大佢幾年嘅杜如風呢？
為咗冧fans，天佑同又南keep住操肌。不過，上次九展都已經見過，驚喜一般啦。元旦夜演唱會有最近好低調嘅阿徐，同好姊妹入咗後台，一睇杜如風企正中間，就知佢幾有地位啦！
爆褲鏈~一輪快歌勁舞，又南前面「爆胎」，踏入2013年即春光乍洩，幾好意頭喎！
