薛凱琪（Fiona）入行後，相對去旅行的機會也減少，很多時會趁住公幹多留幾天順道旅遊，早前Fiona在上海出席花生騷，去到上海，當然去玩、去食、去遊覽，穿背心熱褲的Fiona走訪雕塑藝術中心時，走到色彩鮮艷的長腿藝術品旁留影，實行鬥美腿。
撰文：溫敏芝
擁有一雙長腿的薛凱琪，與藝術中心的長腿互相輝映。參觀上海城市雕塑藝術中心，令薛凱琪大開眼界。
在同事介紹下，薛凱琪在食街掃街，大讚價廉物美。薛凱琪在街頭躺下來欣賞上海外灘夜景。
薛凱琪表示印象最難忘是到訪上海城市雕塑藝術中心，那裏的巨型算盤、色彩鮮艷的長腿等藝術品，與Fiona的纖瘦長腿互相輝映，Fiona說：「其實平時我出trip都鍾意四圍遊覽，嗰日天氣好好，就去咗影相留念，之後喺同事介紹下，喺上海食街掃街，嗰條街全部係大牌檔，初初我去都驚唔方便，後尾諗諗吓冇所謂啦，好食就得，之後就揀咗一間有房嘅食肆大擦一餐，食咗蟹、燒粟米、海鮮、最好食就係串燒，價錢仲好平㖭。」Fiona此行亦到訪一間中國風味「健一公館」，在那處留下倩影。
薛凱琪在食街大擦海鮮、蟹和串燒。
夜賞外灘美景
Fiona表示每次出trip都愛在街頭閒逛，欣賞當地的夜景，有時她會選擇不搭的士返酒店，會沿路踱步回去，今次她亦欣賞上海外灘夜景，順道拍照留念。Fiona坦言近年工作忙碌，已有四年多沒真正去旅行，唯有趁公幹順道遊玩，她說：「其實上海去過好多次，但呢個地方我覺得好特別，我好鍾意着得靚靚擺甫士影相，最記得助手幫我影完相後，我叫番佢擺番同一個甫士，我哋咁都玩得一餐。」
From:
http://hk.apple.nextmedia ... 130109/18127461
