楊受成細仔楊政龍又換女？

過完聖誕，又到除夕，仲話降溫添，FBI同好多巴打一樣，又係一個人過，節目咪就係上吓網、吹吓水、葡萄吓嗰啲換女快過換衫嘅高富帥囉。

無無聊聊玩吓Instagram，就見到楊受成二公子楊政龍聖誕又有新女登場！暑假之嘛，至同女神倪晨曦仲有苟姑娘遊船河，10月就換畫湊緊正印女友、簽咗王維基嘅秦沛細女姜麗文，兩個月唔夠，又攬住第二個喺Instgram晒恩愛，仲要又係低胸索爆嗰隻！如果姜麗文要入楊家門，條路應該幾崎嶇漫長！


聖誕日，楊政龍嘅Instagram最新圖片係同性感索女（英文名V.C）攬腰貼胸，似乎又換咗畫。楊政龍同倪晨曦，仲有姜麗文成日一齊玩，但最近倪晨曦嘅Instagram已少見楊政龍同姜麗文。


10月~早前萬聖節，楊政龍至同女朋友姜麗文開心過節。