吳卓羲、黃宗澤和林峯三大小生先後誤墮國產色慾網。無計，強國女身材勁手段又辣，港女抵輸啦！
當家花旦都保唔住班小生，小花們搵食惟有行遠啲。本刊發現，三大新晉女神，最近憑《飛虎》惹高登仔關注、兼在《怒火街頭2》拍住視帝穎的苟芸慧，原來與黄宗澤緋聞女倪晨曦和韓妹蔡恩真，三女齊齊上楊受成二公子楊政龍遊艇開船P，齊齊拓展生活圈子。香港，好彩仲有富二代！
黃宗澤同胡杏兒難保八年情分手收場，06年同風流Bosco傳過緋聞嘅05年多倫多華裔小姐冠軍倪晨曦（Elva），最近被翻炒舊聞，其實她6年前喺多倫多選華姐都係見咗Bosco幾面。倪晨曦去年正式出道，無耐就被本刊踢爆搭上楊二公子楊政龍（Alex），感情好得多！
華姐玩埋
29歲苟姑娘09年參選中華小姐前攞過多倫多華裔小姐冠軍，因此與05年多倫多華裔小姐冠軍倪晨曦特別玩得埋。《壹週刊》圖片
唔露三點
落得船P，Elva（右二）和蔡恩真（中）個個着得性感清涼，惟獨苟芸慧（右）處女下水，莫講冇三點式，衣着保守到似去圖書館。
行埋大半年
楊政龍連續兩個星期搞船P，Elva就連續兩個星期出席玩，仲在社交網站上載不少與Alex親熱搞鬼合照。
月中苟姑娘有份去的船P相當熱鬧，不過擺明女多男少。
黐富二代
25歲Elva去年大學畢業回流，簽約寰宇發展無耐，即被本刊發現與楊政龍過從甚密，孖咇食飯疑似撻着。
雖然死口唔認與楊政龍是拖友，記者還是在Elva社交專頁上發現她與楊公子經常見面玩樂，還不避嫌發放大量親密合照，看來早在朋友圈中被當是一對。近日氣溫酷熱，Elva接連多個週末跟住男友Alex帶隊搞船P，兩個星期前，仲帶埋新血苟芸慧同韓模蔡恩真上埋船，一齊拓展富二代新圈子。
女多男少
照片所見，楊政龍搞船P，女仔多過男仔，可見男丁極度渴市。背心仔Elva同赤膊楊政龍攬頭攬頸最親熱，蔡恩真Bikini打底襯熱褲最清涼，苟姑娘新女落場就T-shirt加黑色長褲全場最保守。
Bosco緋聞女
05年18歲的Elva參選多倫多華裔小姐期間，爆出與黃宗澤的嘟嘴親密照，不過二人就話冇私情冇聯絡喎。
跟得女友
去年11月，本刊已經拍得Elva同楊政龍拍拖遊銅鑼灣，半年來亦時時見攬頭攬頸，不過elva就話自己同Alex唔係男女朋友。
韓妹識黐
韓國人工美人蔡恩真兩年前拍過海洋公園哈囉喂廣告後留港發展：「我識Alex好耐，大家係朋友，Elva同苟姑娘都冇同佢拍拖。」《蘋果日報》圖片
今年26歲的楊政龍是楊受成細仔，在波士頓Suffolk大學修讀工商及市場課程畢業後加入英皇集團，私生活確係比大哥楊其龍低調得多。
榮升女二號
09年一選完華姐，純情有身材、講嘢唔多正嘅苟姑娘，已經係宅男女神，無綫鬧小生花旦荒，觀眾緣咁好嘅苟姑娘自然有位上，熱播《飛虎》中，苟姑娘周旋馬神馬德鐘和梁烈唯中間。今週首播嘅《怒火街頭2》苟姑娘就榮登女二號寶座，飾演由美國回流嘅女醫生，有錢有學歷有前途，偏偏落區去深水埗開業，仲要愛上爛撻撻Law霸（鄭嘉穎飾）主動追求。可憐杏兒啱啱失去Bosco，如今喺新劇又極大機會保唔住Law霸，苟姑娘呢啲咪係喺杏兒傷口灑鹽囉！
小三搶Law霸
