王君馨自07年選完港姐之後,一路都有唔少劇拍,而且愈做愈上手,播緊嘅《法網狙擊》都睇得出佢不斷進步中。


王君馨喺新劇《法網囂雄》中勾引有婦之夫單立文,飾演佢老婆嘅李詩韻忍唔住企喺棉登徑街頭同王君馨呢位「小三」對質。你睇君馨呢個得戚表情,就知今時今日啲小三幾惡!
君馨三圍有34D、24、35,呢幕私伙三點式濕水戲,大家萬眾期待呀!《蘋果日報》圖片
演技日漸成熟,原來馨馨職業操守都抵讚喎!話說佢早排拍《法網囂雄》(又係法網XX,記死FBI!)一場落水戲,TVB服裝部準備咗套一件頭泳衣畀佢,點知馨馨當日自己帶咗套三點式嚟,仲同監製林志華講:「我覺得着呢套效果會好啲!」監製當然照單全收,FBI仲收到風,喺呢套劇飾演律師嘅馨馨亦因此而獲監製賞識,喺《法》劇加重佢戲分,咁搏,乜都贏番晒。不過呢頭讚完,轉頭FBI喺尖沙咀撞到王君馨拍《法》劇外景,一個擲銀仔鏡頭都NG咗7、8次,讚壞咗!
等到傻


單立文當日都有份開工,由於馨馨狂NG,未使埋位嘅單立文都等到傻咗。就係呢幕街頭講數加擲銀仔做抉擇嘅戲,王君馨掟極都掟唔好,搞到NG咗7、8次,李詩韻個樣都有少少唔耐煩。