港姐出身嘅王君馨，近日憑《城寨英雄》中嘅脫衣舞孃領班花曼上位，由於演得夠姣，夠性感，令觀眾印象深刻，其白滑玉背同20.5吋纖腰搶眼至極，而幾乎集集都谷行33D上圍!!!
昨日有周刊報道，並未因為上緊位而擺阿姐款，而且喺拍攝緊嘅新劇《心理追兇》中，有一場喺山邊被強姦嘅戲，佢赤腳喺荒野度行嚟行去，又着住血漿嘅戲服坐埋樹底培養感情，連準備去「救」佢嘅拍檔楊明都唔敢埋身打搞。劇情講佢誤以為楊明係施襲者，所以一見對方即刻嚇到花容失色，尖叫狂跑。
其實王君馨一早為自己打算，佢除咗打大台工，又做舞台劇，仲自己搞咗檔首飾生意，除咗有佢班好姊妹李亞男、句芸慧同岑麗香等人肯幫佢做生招牌之外，早排佢趁住好姊妹鄧紫棋（G.E.M.）生日，送咗一系列為對方設計嘅星星首飾畀對方，事業行大運喎！
話說回頭，大台呢期咁鍾意玩重口味，王君馨會唔會係繼石天欣之後，接任「被強姦受害人」個位？
from:
http://hk.apple.nextmedia ... 160824/19748080
