陳靜（DaDa）出道不久就被爆有樓收租，是圈中的「隱形富婆」，她當時解釋是媽咪傳授投資貼士，兩母女夾份買樓投資。早年DaDa買了細單位「上車」，隨著近年樓價急升，她樓換樓即賺大錢，前年才爆出她把2011年購入的長沙灣泓景臺單位賣出，手上還有另一物業，賬面即袋142萬。
地產經紀傍實
讀者Eric昨日透過本報「爆相爆片」，分享DaDa昨日又去睇新樓盤，有指她昨即場入票抽籤。昨早11時許，DaDa在尖沙嘴睇會德豐發展的將軍澳新樓盤CAPRI示範單位售樓處，素顏的她戴上黑超，一身便服，並孖住兩女同行，短髮的原來是「處女黨」成員王君馨（Grace），她一樣沒化妝。讀者表示DaDa一行三女有地產經紀陪同睇樓，尤其DaDa全程甚有興趣。
陳靜獲地產經紀傍實，她事後受訪時直言對樓盤有興趣。
讀者提供圖片
陳靜（中）近日與王君馨（左）齊齊學戲而成好友。
讀者提供圖片
「隱形富婆」DaDa早前賣樓已進賬不少。
資料圖片
兩房逾500萬
記者昨致電DaDa查問她「掃貨」情況？DaDa說：「未買，我同Grace佢哋一齊去睇嚇。啱啱睇完，仲考慮緊，都係睇嚇先。」DaDa指近日與王君馨一齊學演戲，所以課餘便結伴睇樓。
DaDa這次選中的樓盤是將軍澳新盤，呎價折實約1.2萬，兩房單位約500多萬就有交易，預計2017年8月落成，DaDa說：「有興趣，樓盤喺商場附近，有地鐵又望海，算唔錯，我仲諗緊。」DaDa現有一層樓揸手，她卻被雜誌拍到租住跑馬地另一單位，不時有觀音兵傍實出入，DaDa笑言有意換樓自住，目標當然是豪宅。
採訪：楊定
from:
http://hk.apple.nextmedia.com/entertainment/art/20151109/19365258
