扮得靚靚嘅廖碧兒前晚提到舊愛林忠豪時即表現避忌。
陳豪同廖碧兒雖然分咗手好耐，不過近日因廖碧兒嘅舊愛林忠豪爆有新女友，令到佢哋個名又扯番埋一齊，前晚廖碧兒同兩個舊愛都喺除夕夜出動。冇拖拍嘅廖碧兒低胸現身鑽石山倒數，今個星期日係佢34歲牛一，佢話希望新一年身體健康，仲話：「都想拍吓拖，但要講緣份。」不過曾經死口唔認同林忠豪拍拖嘅佢，對於舊愛爆同佢曾到談婚論嫁嘅關係時，佢即扮儍話：「冇聽過新聞，過咗去唔回應，新年要向前望。」
陳豪就喺馬鞍山現身，佢自爆已送咗由氣球扭出嚟嘅花同聖誕老人畀女友陳茵媺，新一年又俾人追問婚期，佢話：「畀啲時間，大家拍咗年幾拖，原本想低調，家低調高調化。」
陳豪同廖碧兒雖然分咗手好耐，不過近日因廖碧兒嘅舊愛林忠豪爆有新女友，令到佢哋個名又扯番埋一齊，前晚廖碧兒同兩個舊愛都喺除夕夜出動。冇拖拍嘅廖碧兒低胸現身鑽石山倒數，今個星期日係佢34歲牛一，佢話希望新一年身體健康，仲話：「都想拍吓拖，但要講緣份。」不過曾經死口唔認同林忠豪拍拖嘅佢，對於舊愛爆同佢曾到談婚論嫁嘅關係時，佢即扮儍話：「冇聽過新聞，過咗去唔回應，新年要向前望。」
陳豪就喺馬鞍山現身，佢自爆已送咗由氣球扭出嚟嘅花同聖誕老人畀女友陳茵媺，新一年又俾人追問婚期，佢話：「畀啲時間，大家拍咗年幾拖，原本想低調，家低調高調化。」
陳豪同陳茵媺感情穩定，更自爆已經送上心意禮物女友。
林忠豪揸新車
而林忠豪前晚就揸住架T牌新車單拖現身W Hotel，佢見到記者好鬼愕然，當提到佢緋聞女友Carol嗰陣，佢即刻走人，仲話私人嘢唔講㖭。
此外，同碧兒同場嘅馬德鐘就自爆好想追個女，不過太太怕辛苦，相信自己夢想唔能夠成真。而苟芸慧喺馬鞍山倒數活動上獻唱卻忘詞兼走音，佢話希望夾band，至於會唔會搵埋岑麗香等搞個處女band時，佢話：「睇香香有冇興趣，唔係標榜處女，都會問埋李亞男。」
From:
http://hk.apple.nextmedia.com/entertainment/art/20130102/18120069
